रायगढ़ जिला के पुसौर-तेतला के एक पेपर मिल त जबर हादसा होगे। जानकारी मुताबिक पेपर मिल मालिक ह लॉकडाउन के बीच मिले काम म छूट के बाद मिल के काम शुरू करे खातिर मजदूर मनला बलाके सफाई बुता करावत रिहिन।
रिसायकल चैम्बर के सफाई करत खराब गैस निकले के सेती 7 मजदूर के तबीयत खराब होगे। 3 झिन ल बने इलाज खातिर रायपुर पठोए गे हाबे बाकी 4 के संजीवनी रायगढ़ म इलाज चलत हाबे। ये मउका म कलेक्टर रायगढ़ यशवंत कुमार, पुलिस अधीक्षक संतोष सिंग, एडिशनल एसपी अभिषेक वर्मा, एसडीएम युगल किशोर उर्वशा अउ मुख्य चिकित्सा अधिकारी एस एन केशरी मन ह घायल मनला देखे खातिर संजीवनी अस्पताल पहुंचिन। प्रशासन कोति ले शक्ति पेपर मिल म काम करइया डोलामणि सिदार, सुरेंद्र गुप्ता, अपधर मालाकार, पुरन्धन कुमार, अनिल कुमार, निमाणी भोय अउ रंजीत सिंग के बने इलाज के ओमन भरोसा तको देवाय हाबे। रायगढ़.07
