लॉकडाउन के जुआ खेलना परगे भारी, 52 पत्ती संग 13 जुआडि़हा अंदर

अंजोर.भाटापारा,28। कोरोना राई के सेती अंचल म लॉकडाउन चलत हाबे अइसन म गांव के लोगन मन एके ठउर म जुरियाए 52 पत्तीच के खेल खेलत रिहिसे। समाचार एजेंसी के मुताबिक पुलिस के सपड़ म आए 13 जुअडि़हा मन ले ताश पत्ती के संग 4670 रूपिया तको बरामद करे हाबे। थाना भाटापारा ग्रामीण के कार्यवाही म राम सिंह पिता रामदास साहू, श्रीराम पिता कार्तिक राम साहू, रूपचंद पिता डेरा राम साहू, अर्जुन पिता खेनन साहू, विनोद पिता सुशील साहू, हेमंत पिता रामफल साहू, नारायण पिता गणेश राम साहू, रूपेश कुमार सेवाराम साहू, हरिराम पिता विश्राम यादव, हेमलाल पिता लानु साहू, देवेश पिता दशरथ साहू, थूकेल राम पिता चंदूराम साहू, वीरेंद्र पिता सोहन साहू येमन मन गांव तरेंगी अउ रेंगाबोड़ के रहइया आए।