गौ संरक्षण अउ संवर्धन के बुता किसान मनके जिनगी बदलाव लाने के सुघ्घर उदीम : दाऊ भूपेश बघेल

अंजोर.रायपुर, 3 अगस्त। मुख्यमंत्री श्री बघेल छत्तीसगढ़ राज्य गौसेवा आयोग के नवनियुक्त पदाधिकारी मन के पदभार ग्रहण कार्यक्रम शामिल होइन ये मउका म ओमन किहिन के गौ सेवा हमर खातिर कोनो नारा नहीं, हमर कर्तव्य हावय। छत्तीसगढ़ म गौ संरक्षण अउ संवर्धन के काम किसान मन के जीवन म बदलाव लाने के मुहिम के एक हिस्सा आए। राज्य सरकार ह सुराजी गांव योजना के तहत नरवा, गरूवा, घुरवा, बाड़ी, गउठान के निर्माण अउ गोधन न्याय योजना के माध्यम ले ए दिशा म प्रभावी पहल करे जात हावय। कार्यक्रम म गौसेवा आयोग के उपाध्यक्ष मन्नालाल यादव, सदस्य अटल यादव, शेखर त्रिपाठी, नरेन्द्र यादव, पुरूषोत्तम साहू अउ प्रशांत मिश्रा ह पदभार ग्रहण करिन। मुख्यमंत्री ह ओ मनला नवा जिम्मेदारी मिले म बधाई अउ शुभकामना दीस।

कार्यक्रम के बखत मुख्यमंत्री निवास म कृषि मंत्री रविन्द्र चौबे अउ छत्तीसगढ़ राज्य खनिज विकास निगम के अध्यक्ष गिरीश देवांगन अउ कार्यक्रम जगह म खातु मंत्री अमरजीत भगत, विधायक मोहित राम केरकेट्टा अउ श्रीमती उत्तरी जांगड़े, छत्तीसगढ़ राज्य गौसेवा आयोग के अध्यक्ष महंत श्रीराम सुंदर दास सहित केऊ जनप्रतिनिधि उपस्थित रिहिस। मुख्यमंत्री श्री बघेल ह कार्यक्रम ल संबोधित करत किहिन के बीते ढ़ाई साल म छत्तीसगढ़ म गोधन संरक्षण अउ संवर्धन के दिशा म गजब बुता होए हावयं, जेन पूरा देश के खातिर आज उदाहरण बन चुके हावयं।