अस्पताल के कमी ल दूरिहा करके गुणवत्तापूर्ण स्वास्थ्य सुविधा देवव : मत्री टी.एस. सिंहदेव..., अंजोर छत्तीसगढ़ी म पढ़व पूरा खबर

अंजोर.अंबिकापुर। स्वास्थ्य अउ परिवार कल्याण अउ चिकित्सा शिक्षा मंत्री टी.एस. सिंहदेव ह अंबिकापुर म सरगुजा संभाग के सबो जिला  के स्वास्थ्य विभाग के  अधिकारी मनके बइठक लेके स्वास्थ्य सेवा के समीक्षा करिस। ओमन सरकारी अस्पताल मन के कमी ल दूरिहा करके लोगन ल गुणवत्तापूर्ण स्वास्थ्य सुविधा मुहैया कराये के निर्देश दिस। सिंहदेव ह उप स्वास्थ्य केंद्र के जरूरत वाला गांव म नवा केंद्र खोले के प्रस्ताव तइयार करके भेजे ल किहिन। ओमन मितानिन ले लेके जिला अस्पताल तक हर स्तर म दवई मन के बेवस्था सुनिश्चित करे के निर्देश दिस। स्वास्थ्य विभाग के सचिव प्रसन्ना आर., संचालक, स्वास्थ्य सेवा भीम सिंह, राष्ट्रीय स्वास्थ्य मिशन के संचालक भोसकर विलास संदिपान, सीजीएमएससी के प्रबंध संचालक अभिजीत सिंह अउ संचालक, महामारी रोकथाम डॉ. सुभाष मिश्रा तको समीक्षा बइठक म सामिल होइस।

स्वास्थ्य मंत्री सिंहदेव ह बइठक म विभाग डहर ले संचालित योजना मन के प्रगति अउ अस्पताल मन म उपलब्ध संसाधन के जानकारी लिस। ओमन अनुसूचित अउ मैदानी क्षेत्र म प्रावधान के मुताबिक नवा उप स्वास्थ्य केंद्र खोले प्रस्ताव तइयार करे के निर्देश दिस। सिंहदेव ह किहिन के अनुसूचित क्षेत्र म दू ले तीन हजार अउ मैदानी क्षेत्रो म पांच हजार के आबादी वाला गांव म उप स्वास्थ्य केंद्र खोले के प्रावधान हावय। क्षेत्र के अइसे गांव जिहां अतका आबादी हावय अउ उप स्वास्थ्य केंद्र नइ हावय, उहां नवा उप स्वास्थ्य केंद्र खोले के प्रस्ताव भेजें।

स्वास्थ्य मंत्री ह दिन भर चले मैराथन बइठक म सबो मैदानी  अधिकारी मनको अपरिहार्य कारन ल छोड़के दवई मन अउ उपकरण के खरीदी सीजीएमएससी के माध्यम ले ही करे के निर्देश दिस। ओमन दवई मन के पर्याप्त उपलब्धता सुनिश्चित करे ल किहिन। मितानिन पेटी ले लेके जिला अस्पताल तक हर स्तर म दवा उपलब्ध होना चाही। सिंहदेव ह किहिन के संभाग के कुछ जिला  म योजना मन के क्रियान्वयन बढि़या होवत हाबे, फेर कुछ जिला  म अपेक्षाकृत कमजोर हावय। एला ठीक करे के जरुरत हावय। संभाग के सबो जिला  के लगभग एक सी भौगोलिक स्थिति हावय। अइसे म योजना मन के क्रियान्वयन म जादा अंतर नइ होना चाही। ओमन अवइया समीक्षा बइठक म औसत प्रदर्शन वाला जिला  के अधिकारी मनके कार्रवाई के बात तको कहिन।

श्री सिंहदेव ह किहिन के प्रदेस म स्वास्थ्य सुविधापहिली ले बढि़या होए हावयं, परिवर्तन तको दिखत रिहिन हावय। फेर अभी तको कुछ क्षेत्र म कमी ल दूरिहा करे के जरूरत हावय। लोगन के गुणवत्तापूर्ण स्वास्थ्य सुविधामुहैया कराना सरकार के प्राथमिकता हावय जेला आप सबला पूरा करना हावय। समय म बेवस्था उपलब्ध नइ हो पाये ले लोगन के समस्या के सामना करे पड़त हावय। एला तको संवेदनशीलता के संग दूरिहा करना हावय। सिकलसेल, टीबी अउ कुष्ठ जइसे बीमारी के उन्मूलन म तेजी लाने के जरूरत हावय।