हमर सरकार लोगन के जेब म पइसा डारे के बुता करत हाबे : मुख्यमंत्री भूपेश बघेल.., अंजोर छत्तीसगढ़ी म पढ़व पूरा खबर

अंजोर.सक्ती। मुख्यमंत्री भूपेश बघेल ह अपन भेंट-मुलाकात अभियान के तहत नवगठित सक्ती जिला के जैजैपुर विधानसभा क्षेत्र के गांव काशीगढ़ पहुंचिस। स्थानीय गांव वाला अउ जनप्रतिनिधी मन ह मुख्यमंत्री के शाल भेंट कर, फूल माला अउ धान के बाली पहना करके उत्साहपूर्वक उंकर आत्मीय स्वागत करिन। मुख्यमंत्री बघेल भेंट-मुलाकात के पहिली गांव कांशीगढ़ के मां चंद्रहासिनी देवी मंदिर दरसन के खातिर पहुंचिस। ओमन मां चंद्रहासिनी के पूजा अर्चना करके प्रदेसवासी के सुख समृद्धि अउ खुसयाली के कामना के अउ मंदिर परिसर म आम के पौधा के रोपण करिन। ए मउका म राजस्व मंत्री जयसिंह अग्रवाल, विधायक रामकुमार यादव, मुख्यमंत्री के सचिव डॉ. एस. भारतीदासन, जनप्रतिनिधि अउ अधिकारीगण उपस्थित रिहिस।

मुख्यमंत्री बघेल ह भेंट-मुलाकात के बखत किहिन के वो शासन के महत्वाकांक्षी योजना मन के जमीनी स्तर म क्रियान्वयन के जायजा ले के खातिर जनप्रतिनिधी मन अउ  अधिकारी मनके संग इहां आए हावयं। ओमन बताइन के हमन सरकार बनत ही सबले पहिली किसान मन के अल्पकालीन करजा माफी के फइसला लिस। संग ही राजीव गांधी किसान न्याय योजना के शुरुआत तको करिस। योजना के तहत अब तक दू किश्त के भुगतान करे जा चुके हावय अउ तीसरा किश्त देवारी के पहिली 17 तारीख के किसान मन के खाता म हस्तांतरित कर दे जाही। जेकर ले तिहार मनाये अउ धान के कटाई के खातिर पइसा के दिक्कत नइ होही।

मुख्यमंत्री ह किहिन के हमर सरकार लोगन के जेब म पइसा डालने के काम करत हावय। सक्ती नवगठित जिला हावय, इहां काफी काम करे जाना हावय। ओमन किहिन के महिला स्व-सहायता समूह के सदस्य मन ले जानकारी पाके वो अउ भी आन गतिविधी ले जुड़ना चाहत हावयं। महिला मन के आर्थिक रूप ले सशक्त बनाये के खातिर सरकार ह ग्रामीण औद्योगिक पार्क के शुरुआत करे के फइसला लिस हावय। प्रारंभिक चरण म सबोच ब्लॉक म दू पार्क बनाए जात हावयं, जरूरत अनुरूप येकर संख्या बढ़ाये जाही। येकर खातिर शासन डहर ले 600 करोड़ के प्रावधान बजट म करे गे हावय। जेन गांव म गउठान नइ बने हावयं, उहां जल्दी् गउठान बनाये के निर्देश  अधिकारी मनला दे जात हावयं। हमर सरकार शिक्षा के सुदृढ़ीकरण, स्वास्थ्य के बेहतरी, रोजगार के नवा मउका उपलब्ध कराये के संग ही छत्तीसगढ़ के समृद्ध संस्कृति अउ परम्परा के सहेजने अउ संवारने के खातिर सरलग बुता करत हावय।

मुख्यमंत्री बघेल ह क्षेत्रवासी मन के मांग म कुछ जरूरी घोसना तको करिस। जेमे काशीगढ़ म मिडिल स्कूल भवन के निर्माण, काशीगढ़, दतौद अउ मलनी म उप स्वास्थ्य केंद्र भवन के निर्माण, सामुदायिक स्वास्थ्य केंद्र जैजेपुर म ट्रामा सेंटर के निर्माण, जैजेपुर म कृषि गोदाम भवन निर्माण, जैजेपुर म पशु अस्पताल भवन अउ ओकर अहाता निर्माण, बेलकर्री म आंगनबाड़ी भवन निर्माण, अकलसरा ले केकराघाट तक सीसी रोड निर्माण, पेंड्री अउ कचंदा म पशु औषधालय के बनाये अउ भोथिया म मनकादाई मंदिर परिसर म सामुदायिक भवन के बनाये सामिल हावय। मुख्यमंत्री बघेल ह गांव वाला के मांग म कांशीगढ़ म उप स्वास्थ्य केंद्र सुरू होए तक सबोच मंगलवार के बाजार के दिन कांशीगढ म हाट बाजार क्लिनिक सुरू करे कलेक्टर के जरूरी बेवस्था करे के निर्देश तको दिस।

एसडीएम सक्ती के 10 दिन म गउठान ले अतिक्रमण हटाने के निर्देश

मुख्यमंत्री बघेल ह काशीगढ़ भेंट-मुलाकात म चोरभट्ठी पंचायत के गउठान म अतिक्रमण के शिकायत म एसडीएम सक्ती के 10 दिन म गउठान ले अतिक्रमण हटाने के खातिर निर्देशित करिन। किसान नंद कुमार नायक ह मुख्यमंत्री के बताइन के उंकर पास ढाई एकड़ कृषि जमीन हावय। शासन के कृषि करजा माफी योजना के तहत उंकर 50 हजार के अउ उंकर पिताजी के ढाई लाख के करजा माफ होइस। ओमन राजीव गांधी किसान न्याय योजना ले मिले पइसा ले टीवी, मोटरसाइकिल, पत्नी के खातिर हार, लइका के खातिर कपड़े अउ साइकिल लिस हावय। नायक ह मुख्यमंत्री जी के जनहितैषी योजना मन के खातिर प्रसन्नतापूर्वक आभार व्यक्त करिन।

संवाद के बखत काशीगढ़ के बुजुर्ग महिला श्रीमती शकुंतला गोस्वामी ह मुख्यमंत्री के बताइन के उंकर पास कोनो जमीन नइ हावय जेकर ले ओला शासन के योजना मन के लाभ तको नइ मिल पा रिहिन हावय। जेन म मुख्यमंत्री ह हल्का पटवारी के मंच म बुलाकर योजना मन के खातिर उंकर पात्रता के जांच करे के निर्देश दे अउ पात्रतानुसार तुरते ओला योजना मन ले लाभान्वित करे के खातिर किहिन।

ग्राम काशीगढ़ म मुख्यमंत्री भूपेश बघेल डहर ले करे गे घोसनां

• गांव काशीगढ़ म मिडिल स्कूल भवन के बनाये 
• गांव काशीगढ़, गांव दतौद, गांव मलनी म उप स्वास्थ्य केंद्र भवन निर्माण
• सामुदायिक स्वास्थ्य केंद्र जैजेपुर म ट्रामा सेंटर निर्माण
• जैजेपुर म कृषि गोदाम भवन निर्माण
• जैजेपुर म पशु अस्पताल भवन अउ ओकर अहाता निर्माण
• गांव बेलकर्री म आंगनबाड़ी भवन निर्माण
• गांव अकलसरा ले केकराघाट सीसी रोड निर्माण
• गांव पेंड्री अउ कचंदा म पशु औषधालय के निर्माण
• गांव भोथिया म मनकादाई मंदिर परिसर म सामुदायिक भवन निर्माण