अंजोर.रायपुर। मुख्यमंत्री भूपेश बघेल अपन प्रदेशव्यापी भेंट-मुलाकात अभियान के अगला कड़ी म 12 अक्टूबर के सक्ती जिला के जैजैपुर विधानसभा क्षेत्र म भेंट-मुलाकात के खातिर जात हावयं। ए बखत मुख्यमंत्री बघेल आम जनता ले भेंट-मुलाकात करके शासन के योजना मन के क्रियान्वयन के जानकारी लेही। उहें आमजनता के समस्या म उंकर ले सोज गोठबात करही। जानबा होवय के भेंट-मुलाकात कार्यक्रम म आमजनता के प्रदेस के मुखिया ले सोज गोठबात करे के मउका मिलत हावय।
जानबा होवय के मुख्यमंत्री बघेल ह अपन प्रदेशव्यापी भेंट-मुलाकात अभियान के सुरू इही साल 4 मई ले के रिहिस। ए बखत मुख्यमंत्री सरगुजा संभाग के 16, बस्तर संभाग के 12, बिलासपुर संभाग ले गौरेला-पेण्ड्रा-मरवाही जिला के एक विधानसभा अउ रायगढ़ जिला के 4 विधानसभा म भेंट-मुलाकात के खातिर पहुंच चुके हावयं। इही रकम ले दुर्ग संभाग के बालोद जिला के 3 विधानसभा अउ कबीरधाम जिला ले 2 विधानसभा म जनता के बीच भेंट-मुलाकात के खातिर अब तक पहुंच चुके हावयं। ए क्रम के आगू बढ़ाते होइस मुख्यमंत्री बघेल 12 अक्टूबर के बिलासपुर संभाग के नवगठित सक्ती जिला ले जैजैपुर विधानसभा म भेंट-मुलाकात करही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।