विधानसभा जैजैपुर के गांव हसौद म आदिशक्ति माँ महामाया देवी के दर्शन करिन मुख्यमंत्री भूपेश बघेल.., अंजोर छत्तीसगढ़ी म पढ़व पूरा खबर

अंजोर.जांजगीर। मुख्यमंत्री भूपेश बघेल विधानसभा क्षेत्र जैजैपुर म भेंट-मुलाकात अभियान म अधिकारी मनकी समीक्षा बइठक अउ प्रेस कांफ्रेंस के बाद गांव हसौद म आदिशक्ति माँ महामाया देवी मंदिर म दरसन करे खातिर पहुँचिस अउ पारंपरिक विधि-विधान ले देवी माँ के पूजा-अर्चना करिस। मुख्यमंत्री ह आदिशक्ति माँ महामाया देवी ले प्रदेसवासी के सुख, समृद्धि अउ ख़ुशहाली के कामना करिस। स्थानीय लोगन के मुताबिक़ इहाँ आदिशक्ति माँ महामाया देवी के प्रतिमा स्वयंभू प्रकट होए हावयं अउ ये प्रतिमा बहुत पुरातन बताये जात हावयं। उहे सन 2003 म गांव वाला ह मिलके मंदिर के पुनर्निर्माण कराइन हावय। येकर संग ही मंदिर परिसर के बाहिर गांव वाला डहर ले मुख्यमंत्री के हसौद आगमन के खुशी अउ उंकर सम्मान म ओला हसौद के परसिध पेड़ा ले तौले गिस।

मिठास के नगरी हसौद के विश्व-प्रसिद्ध पेड़ा ले तौले गिस- 

मुख्यमंत्री ल स्थानीय लोगन ह बताइन के मिठास के नगरी हसौद म शुद्ध दूध के खोवा ले बिसेस विधि ले पेड़ा बनाये जाथे  जेन सेती एमे कुछ बिसेस रकम ले के मिठास होत हावय। देश-प्रदेश के हर क्षेत्र ले लोगन इहां के पेड़ा के खरीददारी के खातिर आथे।