अंजोर.बिलासपुर। स्वामी आत्मानंद उत्कृष्ट अंग्रेजी माध्यम स्कूल लाला लाजपत राय अउ तारबाहर म सुरू होत नर्सरी कक्षा के खातिर नर्सरी शिक्षिका के संविदा भरती के खातिर 363 ऑनलाईन आवेदन मिले रिहिस। दावा आपत्ति के बाद 114 उम्मीदवार पात्र पाए गिस। जेकर अंतरिम मेरिट सूची के प्रकाशन जिला के वेबसाइट bilaspur.gov.in म करे गे हावय, जेकर खातिर 17 अक्टूबर 2022 तक दावा आपत्ति आमंत्रित करे गे हावय। दावा आपत्ति के बाद 21 अक्टूबर 2022 के परमान पाती के सत्यापन अउ साक्षात्कार के आयोजन स्वामी आत्मानंद उत्कृष्ट अंग्रेजी माध्यम स्कूल तारबाहर म करे जाही।
स्वामी आत्मानंद स्कूल मन म गैर शैक्षणिक पद के खातिर अंतरिम मेरिट सूची जारी
जिला म संचालित स्वामी आत्मानंद स्कूल मन म आने-आने पद म संविदा भरती बर विज्ञापन जारी करे गिस रिहिस। जेकर ले शैक्षणिक पद म भरती के बाद गैर शैक्षणिक पद म भरती बर पात्र-अपात्र के सूची जारी करके 28 सितंबर 2022 तक दावा आपत्ति मंगाया गे रिहिस। दावा आपत्ति के बाद लेखापाल अउ सहायक ग्रेड 02 के खातिर 3498 आवेदन मिले रिहिस, जेमा ले कुल पात्र उम्मीदवार के संख्या 2904 हावय। इही रकम ले कम्प्यूटर शिक्षक के 2287 आवेदन मिले रिहिस, जेमा पात्र उम्मीदवार 1600, सहायक शिक्षक विज्ञान प्रयोग के 1609 आवेदन मिले रिहिस, जेमा 973 उम्मीदवार पात्र, ग्रंथपाल के 1877 आवेदन मिले रिहिस, जेमा 1389 उम्मीदवार पात्र अउ व्यायाम शिक्षक के 578 आवेदन मिले रिहिस, जेमा 384 उम्मीदवार पात्र हावय। ए रकम ले कुल 9849 आवेदन मिले होइस, जेमा पात्र उम्मीदवार के संख्या 7250 हावय।
पद के भारांश के गणना करके अंतरिम मेरिट सूची के प्रकाशन जिला के वेबसाइट bilaspur.gov.in म अपलोड करे गे हावय। अंतरिम मेरिट सूची के संबंध म 17 अक्टूबर तक दस्तावेज साक्ष्य सहित दावा आपत्ति करे जा सकत हाबे। 17 अक्टूबर के पाछु मिले आपत्ति म विचार नइ करिन जाही। मिले दावा आपत्ति के निराकरण के बाद आखरी मेरिट सूची के प्रकाशन करके दस्तावेज परीक्षण करिन जाही। कम्प्यूटर शिक्षक, लेखापाल, सहायक ग्रेड 2 के पद म साक्षात्कार अउ कौशल परीक्षा के आयोजन करके मिले कुल अंकों के आधार म चयन अउ प्रतीक्षा सूची जारी करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।