CM Bhupesh Baghel भेंट-मुलाकात : हिमोफीलिया के इलाज के खर्चा उठाही मुख्यमंत्री भूपेश बघेल सरकार

अंजोर.रायपुर। लाल बहादुर नगर म आयोजित भेंट-मुलाकात कार्यक्रम म मुख्यमंत्री भूपेश बघेल ह किहिन के हीमोफीलिया रोग ले पीड़ित दू लइका के इलाज के पूरा खर्च राज्य शासन डहर ले उठाया जाही। कार्यक्रम म अर्जुनी गांव के माखनलाल निर्मलकर ह बताइन के उंकर दू लइका हावयं। दुनों लइका दुर्लभ बीमारी हीमोफीलिया ले ग्रसित हावयं, उंकर इलाज म वो काफी पइसा खर्चा कर चुके हावयं। एक इंजेक्शन 16 हजार के लगत हावयं। उंकर आर्थिक स्थिति तको अच्छा नइ हावय। आगू के इलाज के खातिर ओला पइसा के सख्त जरूरत हावय।

श्री माखनलाल निर्मलकर ह मुख्यमंत्री के बताइन के राजनांदगांव म ए बीमारी के केवल दू ही मरीज हावय अउ दुनों मोर लइका हावयं। काफी इलाज कराये के बाद तको उंकर बीमारी ठीक नइ होत हावय। ओमन बताइन के दू साल पहिली बेंगलुरु म ऑपरेशन होइस। एमे पहिली ही काफी खर्च हो चुके हावय। आर्थिक स्थिति ठीक नइ होए के सेती वो ह आगू के इलाज कराये म समर्थ नइ हावय। मुख्यमंत्री ह उंकर बात के धियान ले सुना अउ दुनों लइका के इलाज म होए वाला पूरा खर्च शासन डहर ले वहन करे के सहमति दीस। निर्मलकर ह मुख्यमंत्री ल धन्यवाद दीस।

जानबा होवय के हीमोफीलिया आनुवंशिक रोग हावय जेमा शरीर के बाहिर बहत लहू जमे नहीं। येकर सेती चोट या दुर्घटना म ये जानलेवा साबित होवत हावय। विशेषज्ञ के मुताबिक ए रोग के सेती एक लहू प्रोटीन के कमी होवत हावय, जेला ‘क्लॉटिंग फैक्टर’ केहे जाथे। ए फैक्टर के विशेषता ये हावय के ये बहत लहू के थक्के जमाके ओकर बहना रोकत हावय। ए रोग ले पीड़ित रोगी के संख्या भारत म कम हावय।