सिनेमा। छत्तीसगढ़ी फिल्म ‘साथी रे’ म फेर एक पइत छॉलीवुड के सबले रोमांटिक जोड़ी मन कुरैशी अउ मुस्कान साहू अवइया हाबे। संगी मनला बीए फर्स्ट ईयर, आई लव यू अउ आई लव यू टू तो सुरता होबे करही, जेन म ये दूनों के जोड़ी ह गजब धमाल मचाये रिहिस। दर्शक मन किथे के छॉलीवुड म सबले जादा रोमांटिक जोड़ी मन कुरैशी अउ मुस्कान साहू के हाबे। बीए फर्स्ट ईयर म मुस्कान के मच्छर वाले डायलाग तो आज भी लोगन के मुंह म हाबे। अब ‘साथी रे’ म फेर ओमन म मया के मीठ-मीठ बोली ले मनला मोहे बर आवत हाबे।
 |
| Mann
Qureshi chhattisgarhi film actor |
बीआरवी रेणु वर्मा फिल्मस् के बैनर तले बने फिल्म ‘साथी रे’ के निर्माता हावय रेणु वर्मा अउ निर्देशक हाबे छॉलीवुड के जानेमाने हास्य अउ गुदगुदी के बादशाह अनुपम भार्गव। मिले आरो के मुताबिक ‘साथी रे’ म मन कुरैशी, मुस्कान साहू के संग पुष्पेंद्र सिंह, अजय पटेल, उषा विश्वकर्मा, तरुण बघेल, राजेश पांड्या, शैलेंद्र भट्ट, नीतिका भार्गव, अरुण भांगे, उमेश गोस्वामी, लतीश भांगे अउ सुमित दुवा के तको दमदार भूमिका हाबे। कहानी ह अनुपम भार्गव के आए अउ संगीत दे हावय छॉलीवुड के लोकप्रिय संगीतकार सुनील सोनी ह।
 |
| Muskan
Sahu chhattisgarhi film actress |
साथी रे के ट्रेलर 2 नवंबर ले सोशल मीडिया म अपलोड कर दे हावय अउ अब ओसरीपारी गाना मनला परोसत हावय। साथी रे के 3:25 मिनट के ट्रेलर म फिल्म ल शानदार तरीका ले देखाये हाबे। दर्शक मन फेर एक पइत अपन मन पसंद जोड़ी ल रोमांटिक अंदाज म देखे खातिर अगोरा करत हाबे। मन अउ मुस्कान के मया वाले सीन ल कतको देख ले देखेच-देखे के मन करथे। मन कुरैशी ह पेपर बांट के मुस्कान ल कइसे पटा लेथे? पुष्पेन्द्र सिंह अउ अजय पटेल के मार ले का उंकर मया उबर पाही? जाने बर अवइया 1 दिसंबर 2022 तक अगोरव जब ये फिलिम सिनेमाघर म आही। फिलहाल सोशल मीडिया म ट्रेलर अउ गाना के आनंद लेवत राहव।
 |
| Anupam Bhargav chhattisgarhi film actor director |
- फिल्म : साथी रे
- कलाकार : मन कुरैशी, मुस्कान साहू, पुष्पेंद्र सिंह, अजय पटेल, उषा विश्वकर्मा, तरुण बघेल, राजेश पांड्या, शैलेंद्र भट्ट, नीतिका भार्गव, अरुण भांगे, उमेश गोस्वामी, लतीश भांगे, सुमित दुवा आदि।
- निर्देशक कहानी : अनुपम भार्गव
- निर्माता: रेणु वर्मा
- संगीत : सुनील सोनी
- बैकग्राउंड म्यूजिक: मनोहर यादव
- कोरियोग्राफर: आर्यन पांडे
- डीओपी: रजत सिंह राजपूत
- संपादक : गौरव त्रिवेदी
- डी.आई. : गौरव त्रिवेदी
- छायाकार: रजत सिंह राजपूत
- वी.एफ.एक्स। : प्रवीर दास
- सहायक निदेशक: उमाशंकर चतुर्वेदी
- कहानी अनुपम भार्गव
- प्रोडक्शन मैनेजर: योगेश कश्यप
- लड़ाई: राम जूडो
- पुन्यता डिजाइन: मंडल ग्राफिक्स
- वेशभूषा : भवानी
- श्रृंगार : जीतू
- पोस्ट प्रोडक्शन : आध्या फिल्म्स स्टूडियो
- म्यूजिक ऑन : एसआरके म्यूजिक
- Chhattisgarhi Film : Sathi Re
- Cast : Mann Kuraishi, Muskan Sahu, Pushprendra Singh, Ajay Patel, Usha Vishwakarma, Tarun Baghel, Rajesh Pandya, Shailendra Bhatt, Nitika Bhargav, Arun Bhange, Umesh Goswami, Latish Bhange, Sumit Duva etc.
- Director/ Story : Anupam Bhargav
- Producer : Renu Verma
- DOP : Rajat Singh Rajput
- Editor : Gaurav Trivedi
- Music : Sunil Soni
- Background Music : Manohar Yadav
- Choreographer : Aryan Pandey
- Cinematographer : Rajat Singh Rajput
- D.I. : Gaurav Trivedi
- V.F.X. : Pravir Das
- Assistant Director : Umashankar Chaturvedi
- : Anupam Bhargav
- Producation Manager : Yogesh Kashyup
- Fight : Rama Judo
- Costume : Bhavani
- Makeup : Jitu
- Post Production : Adhya Films Studio
- Music on : SRK MUSIC
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।