अवैध हथियार बेचइया गिरोह के एक अउ आरोपी रायगढ़ पुलिस के गिरफ्त में

अंजोर.रायगढ़। पाछु महीना 16 दिसंबर के साइबर सेल अउ जूटमिल पुलिस के समिलहा टीम डहर ले मुखबीर सूचना म आरोपी नरेश उर्फ नानू यादव के देशी पिस्टल के संग पकड़े गे रिहिस। आरोपी के पास ले मिले अवैध हथियार ल गंभीरता ले लेवत वरिष्ठ पुलिस अधीक्षक अभिषेक मीना डहर ले आरोपी डहर ले कहां ले हथियार खरीदी करे गिस येकर आगू तस्दीक करे खातिर एडिशनल एसपी संजय महादेवा, सीएसपी रायगढ़ अभिनव उपाध्याय अउ साइबर सेल के टीम ल लगाये गे रिहिस।

साइबर सेल प्रभारी उपनिरीक्षक कमल किशोर पटेल ह वरिष्ठ  अधिकारी मनके मार्गदर्शन म आरोपी नरेश उर्फ नानू यादव म आर्म्स एक्ट के धारा 25 के तहत कार्यवाही करके आरोपी ले पूछताछ करके जांच कार्यवाही आगू बढ़ाये गिस। आरोपी ले मिलके  ओमन स्थानीय युवक यूसुफ हुसैन चांदनी चौक बाबूपारा के पास ले 1 पिस्टल अउ 3 राउंड के 8-9 महीना पहिली 50,000 म खरीद रिहिस। यूसुफ हुसैन पकड़े जाये के डर ले लुकत-छिपत रिहिस। जेला संझा अवैध हथियार के मुख्य सप्लायर एजाज उर्फ राजू निवासी पलामू झारखंड के संग हथियार समेत रेलवे स्टेशन के पास पकड़े गे रिहिस। दुनों रायगढ़ ले कोलकाता अउ कोलकाता ले बांग्लादेश के तनि फरार होए के फिराक म रेलवे स्टेशन के पास घूमत रिहिस। दुनों आरोपी मन के मेमोरेंडम म आरोपी युसूफ ले एक पिस्टल अउ दू राउंड अउ आरोपी एजाज अंसारी ले एक पिस्टल अउ तीन राउंड जप्त करे गिस रिहिस। जांच कार्यवाही म आरोपी मन ले विस्ता्र ले पूछताछ म एजाज उर्फ राजू निवासी पलामू झारखंड डहर ले पलामू झारखंड के कवीश्वर उर्फ कवि भैया उर्फ कबीर मेहता ले अवैध हथियार खरीदना बताइन। एसएसपी अभिषेक मीना के निर्देशन म सीएसपी अभिनव उपाध्याय के अगुवई म साइबर सेल अउ जूटमिल पुलिस के समिलहा टीम डहर ले आरोपी कवीश्वर उर्फ के.बी. उर्फ कवि भैया उर्फ कबीर महतो के पतासाजी के खातिर झारखंड रवाना होए। जिहां पलामू अउ गढ़वा जिला म आरोपी कवीश्वर के पतासाजी करके योजनाबद्ध तरीका ले आरोपी कविश्वर के हिरासत म लिस जेन पूछताछ म आरोपी एजाज अंसारी उर्फ राजू के हथियार बेचना कबूल घटना के संबंध म बताइन के जल्दीछ ले जल्दीा रूपिया कमाये के लालच म ओमन अवैध हथियार बेचे के काम सुरू करिन रिहिस।

शुरुआती समय म गढ़वा म 9,000 म पिस्टल खरीद करके 11,000 म बेचे रिहिस, आगू चलके ये एक पिस्टल म 10 ले 12000 कमाना सुरू करके दे अउ ए रकम ले आने-आने मनखे मन के गोपनीय तरीका ले हथियार बेचत रिहिस। इही बखत डाल्टनगंज म राजू उर्फ एजाज अंसारी ले मुलाकात होइस जेकर संग मोबाइल व्हाट्सएप कॉलिंग अउ चैटिंग ले बात होवत रिहिस। पाछु साल दिसंबर महीना म राजू आके पहचान के लोगन के पिस्टल खरीद करके देना हावय बोलिन। राजू ले सौदा तय होए म 5 पिस्टल 15- 15,000 म अउ 32 राउंड प्रति नग 400 म बिक्री करिन। सोशल मीडिया ले एला पता चले के राजू उर्फ एजाज अंसारी के रायगढ़ पुलिस पकड़ करके जेल भेज दे हावय त पकड़े जाये के डर ले हथियार खरीदी बिक्री के काम बंद करके दे रिहिस अउ चेन्नई अपन इलाज कराये गे रिहिस। वापस लौटे के बाद रायगढ़ पुलिस के टीम पकड़ लिस।

आरोपी कबीर मेहता ह पूछताछ म सूरजपुर के बलिंदर राजवाड़े ल 1 कट्टा अउ 3 राउंड बेचना बताइन। पुलिस के एक टीम एसएसपी अभिषेक मीना ल जानकारी ले आरो कराके आरोपी बलिंदर राजवाड़े ल पतासाजी के खातिर रवाना होइस। आरोपी कविश्वर के पास ले छिपाके रखे 1 एयरगन अउ 7 छर्रा बरामद करे गे हावय।