बस्तर संभाग के सबो नेता मनके सुरक्षा बेवस्था होही मजबूत

अंजोर.दंतेवाड़ा। बस्तर संभाग के सबो राजनैतिक दल के सुरक्षा मापदण्ड के संदर्भ म आरो कराये बर सबो जिला मुख्यालय म जिला दण्डाधिकारी अउ पुलिस अधीक्षक डहर ले सबो राजनैतिक दल के एक बइठक आयोजित करे गिस। ये बइठक म कानून/सुरक्षा व्यवस्था, जनप्रतिनिधी मन अउ सामाजिक पदाधिकारी मन के भ्रमण के बखत पालन करे जाये वाला सुरक्षा मापदण्ड के संबंध म जरूरी गोठबात करे गिस। संवेदनशील क्षेत्र म भ्रमण कार्यक्रम के बखत आवागमन के सूचना समय पहिली दिये जाये के संबंध म बताइन, जेकर ले संवेदनशील क्षेत्र के सुरक्षा आंकलन के कार्यवाही करे के जरूरी बंदोबस्त सुनिश्चित के जा सके।

पुलिस महानिरीक्षक, बस्तर रेंज सुन्दरराज पी. डहर ले ये बताइन के पाछु साल म जेन तरीका ले माओवादी मनके प्रभावित इलाका म सुरक्षा बल डहर ले योजनाबद्ध तरीका ले कार्यवाही करत हुये, माओवादी मनके गतिविधी म अंकुश लगाये जाये के कारण, बौखलाहट म माओवादी मन डहर ले निहत्था मनखे मन ल निशाना बनाये जात हावय। माओवादी मनके ए चुनौती के सामना करत अउ बढि़या रणनीति के तहत पुलिस अउ सुरक्षा बल डहर ले क्षेत्र म बुता करे जाही ताकि माओवादी मनके हिंसात्मक गतिविधी के खतम करत। क्षेत्र म शांति अउ सुरक्षा बेवस्था स्थापित करे जा सके।