छत्तीसगढ़ म किसान के जिनगी म सहकारिता ले आइस बड़का बदलाव : मुख्यमंत्री बघेल

अंजोर.रायपुर। मुख्यमंत्री भूपेश बघेल ह निवास कार्यालय म आयोजित कार्यक्रम म जिला सहकारी केन्द्रीय बैंक मर्यादित दुर्ग के ले बैंक के शाखा भवन अहिवारा सहित 11 एटीएम अउ गोदाम के वर्चुअल रूप ले लोकार्पण करिन। कार्यक्रम म कुल 2 करोड़ 21 लाख 68 हजार रूपिया के रकम के विकास बुता के लोकार्पण करे गिस। 11 एटीएम के लोकार्पण होइस, एमे गांव अण्डा, बोरसी, अहिवारा, अरमरीकला, अर्जुन्दा, करहीभदर, डौंडीलोहारा, बेलौदी, कुरदी, भांठागांव- आर अउ जेवरा म एटीएम स्थापित करे  गे हावय।

मुख्यमंत्री बघेल ह ए मउका म किहिन के छत्तीसगढ़ म अब किसान मन सहित ग्रामीण अर्थव्यवस्था म आमूल-चूल बदलाव दिखे लगे हावय। हमन राज्य म सहकारिता ल मजबूती दे करे के खातिर सरलग काम करेन। सहकारिता के क्षेत्र के परेसानी के दूरिहा करत येकर माध्यम ले किसान मन अउ गांव वाला के जादा ले जादा फायदा पहुंचाये के कोशिश करेन। इही कारन हावय के पाछु चार साल के बखत छत्तीसगढ़ के किसान मन अउ गांव वाला के जिनगी म सहकारिता के माध्यम ले बड़का बदलाव आये हावय।