नक्सल प्रभावित बस्तर अउ आदिवासी बहुल सरगुजा के सड़क के संधारण-नवीनीकरण

अंजोर.रायपुर। छत्तीसगढ़ म प्रधानमंत्री गांव सड़क योजना के उपलब्धि ल लेके प्रधानमंत्री नरेंन्द्र मोदी ह ट्वीट करके बढ़ई करे हावय। छत्तीसगढ़ म मुख्यमंत्री भूपेश बघेल के अगुवई म प्रधानमंत्री गांव सड़क योजना ले अब तक 16,297 किमी सड़क बनाये जा चुके हावय। प्रदेस म अब तक 2589 सड़क अउ 357 पुल बनाये हावय। योजना म 9602 करोड़ रूपिया के बजट के प्रावधान हावय, जेमा ले अब तक 8736 करोड़ रूपिया के व्यय करे जा चुके हावय। राज्य के प्रधानमंत्री गांव सड़क योजना- 3 के तहत पहिली मंजूरी मिले रिहिस, जेला पूरा करे म छत्तीसगढ़ आगू रिहिन।

मुख्यमंत्री ह अपन प्रदेशव्यापी भेंट मुलाकात कार्यक्रम के बखत तको आम जनता ले सोज संवाद करिन। आम जनता ले होए गोठबात के बखत मुख्यमंत्री ल ग्रामीण अंचल के सड़क ले जुरे प्रतिक्रिया मिले रिहिस। प्रतिक्रिया के आधार म ओमन  अधिकारी मनको सड़क के रखरखाव अउ मरम्मत के बुता समयसीमा म पूरा करे के निर्देश दिस। वरिष्ठ  अधिकारी मन येकर सतत समीक्षा तको करिस। तेकरे सेती प्रधानमंत्री गांव सड़क योजना के ले गांव तक आवागमन के खातिर सड़क बढि़या होए हावय। वित्तीय साल 2022-23 म राज्य शासन ले ए योजना ले बने सड़क के संधारण के खातिर सबले जादा 700 करोड़ रूपिया के बजट मिले रिहिस। वित्तीय साल म करार लक्ष्य 6000 किलोमीटर सड़क के नवीनीकरण के लक्ष्य के विरूद्ध अब तक 5436 किलोमीटर के नवीनीकरण के बुता पूरा हो चुके हावय।