एग्रीस्टैक परियोजना : छत्तीसगढ़ अब डिजिटल खेती कोति, सबो किसान ल मिलही कृषि भूमि पहचान पत्र

मुख्यमंत्री विष्णु देव साय के मार्गदर्शन म छत्तीसगढ़ के किसान मन के हित ल धियान म रखत डिजिटल कृषि ल बढ़ावा दे के खातिर एग्रीस्टेक परियोजना संचालित करे जात हावय। येकर तहत गांव के जियो रिफ्रेसिंग सर्वेक्षण नक्शा, राजस्व संबंधित अधिकार अभिलेख अउ डिजिटल फसल सर्वेक्षण के काम करे जात हावय। पॉयलेट प्रोजेक्ट के तहत 20 जिला म जियो रिफ्रेसिंग तकनीक ले सर्वे करके नक्शा तइयार करे के काम चलत रिहिन हावय। अब तक 10 हजार 243 गांव म ये बुता पूरा कर ले गे हावय।

राजस्व मंत्री टंक राम वर्मा ह बताइन के छत्तीसगढ़ म एग्रीस्टेक परियोजना के तहत डिजिटल फसल सर्वेक्षण तीन जिला म पूरा रूप करे जात हावय अउ 16 जिला  के एक-एक तहसील म तको फसल सर्वेक्षण करे जात हावय। अवइया दिन म राज्य के सबो जिला म डिजिटल फसल सर्वे के काम होही। ए परियोजना म किसान मनके पंजीयन करे जात हावय। येकर माध्यम ले किसान मनल केन्द्र अउ राज्य सरकार के योजना मन के पारदर्शी ढंग ले फायदा मिलही।

मोबाइल एप के माध्यम ले पंजीयन स्वयं किसान अउ युवा कर सकही। येकर अलावा कॉमन सर्विस सेन्टर, वेबसाईट के माध्यम ले पटवारी कर सकही। किसानपंजीयन के खातिर कॉमन सर्विस सेन्टर म सबोच ई-केवाईसी के खातिर 15 रूपिया के दर करार करे गे हावय।