छत्तीसगढ़ म शुरू होही ‘मुख्यमंत्री गुड गवर्नेंस फेलो योजना’

छत्तीसगढ़ के मूलनिवासी पढ़इया लइका खातिर पब्लिक पॉलिसी एण्ड गवर्नेस म मास्टर पाठ्यक्रम शुरू होही

मुख्यमंत्री विष्णु देव साय ह आज रायपुर म 'गुड गवर्नेंस' विषय म दू दिवसीय क्षेत्रीय सम्मेलन के समापन सत्र ल सम्बोधित करत प्रदेस म ‘‘मुख्यमंत्री गुड गवर्नेंस फेलो योजना’’ सुरू करे के घोसना करिस। मुख्यमंत्री साय ह किहिन के ए योजना के तहत छत्तीसगढ़ सरकार आईआईएम रायपुर के संग मिलके छत्तीसगढ़ के मूलनिवासी पढ़इया लइका खातिर पब्लिक पॉलिसी एण्ड गवर्नेस म मास्टर पाठ्यक्रम सुरू करही। येकर खातिर पढ़इया लइका के चयन कैट के माध्यम ले करे जाही।

मुख्यमंत्री साय ह किहिन के ए योजना म आईआईएम रायपुर म कक्षा के संग पढ़इया लइका ल छत्तीसगढ़ शासन के आने-आने विभाग म व्यवहारिक अनुभव तको दे जाही। पाठ्यक्रम के पूरा फीस राज्य सरकार वहन करही, संग ही पढ़इया लइका ल करार मासिक स्टायफंड देही। ये योजना शासन म दक्षता अउ पारदर्शिता बढ़ाये के संग राज्य के युवा मन ल उच्च स्तरीय शिक्षा अउ प्रायोगिक अनुभव के मउका देही। येकर उद्देश्य छत्तीसगढ़ म पेशेवर के एक अइसे पीढ़ी तइयार करे के हावय जेन सरकार, एनजीओ, थिंक टैंक अउ निजी क्षेत्र के संग मिलके गवर्नेस ल बढि़या बनाये के क्षेत्र म काम करही।

मुख्यमंत्री ह दू दिवसीय क्षेत्रीय सम्मेलन म देश भर ले आए वरिष्ठ अधिकारी मन, विषय विशेषज्ञ, सुधीजन के छत्तीसगढ़ के नागरिक के तनि ले हार्दिक स्वागत करत किहिन के तंहू मन लोगन ह देश के आने-आने राज्य म चलत बेस्ट प्रेक्टिसेस ल एक आन ले साझा करिन हावय। सबने मिलके सुशासन के क्षेत्र म परस्पर सहयोग अउ भागीदारी ल बढ़ाये के संबंध म विस्ता्र ले विचार-विमर्श करिन हावय। ये दू दिन के बखत म तंहू मन ह छत्तीसगढ़ शासन डहर ले सुशासन के स्थापना के दिशा म करे  जात प्रयास के बारे म काफी कुछ जाने अउ समझे होहू।