समाज कल्याण विभाग के स्कूल म तको 9वीं अउ 11वीं के लइका मनला मिलही जनरल प्रमोशन

समाज कल्याण विभाग ले संचालित सबो शासकीय अउ अनुदान प्राप्त संस्था के विशेष विद्यालय के 9वीं अउ 11वीं कक्षा के लइका मनला सत्र 2019-20 म जनरल प्रमोशन दिए जाही। ये संबंध म समाज कल्याण विभाग ह सबो विभागीय कार्यालय ल पाती पठो के आवश्यक कार्यवाही करे बर केहे हाबे। जानबा होवय के कोरोना वायरस संक्रमण रोके खातिर राज्य सरकार ह सबो शासकीय, अशासकीय, अनुदान प्राप्त विद्यालय अउ मदरसा बोर्ड के सत्र 2019-20 के वार्षिक परीक्षा स्थगित कर दे रिहिसे। अब सरकार ह लॉकडाउन के सेती परीक्षा नइ होये रिहिसे तेन कक्षा के लइका मनला जनरल प्रमोशन देके आगू के कक्षा म प्रवेश के कार्यवाही सुनिश्चित करे के आदेश जारी कर दे हाबे।