औरैया सड़क हादसा म 20 ले आगर मजदूर के मउत, केऊ घायल

लॉकडाउन-3 के बाद लगातार मजदूर मन अपन घर कोति जाए म लगगे हाबे। जेन भी साधन मिलत हाबे उही म सवार, साधन नइये तेनो मन रेंगत आवथे। फेर ओकर मन संग दुखद घटना तको होवत हाबे, कोनो सड़क म त कोनो रेल दुर्घटना म मउत के काल म समा जावत हाबे। बपरा गरीब घरों नी जा पावथे। ताजा आरो मिले हाबे के उत्तर प्रदेश के औरैया जनपद म 20 ले आगर मजदूर मनके सड़क हादस म मउत होगे। ये सबो मजदूर मन एक ठी गाड़ी म बइठके घर आवत रिहिसे तभे दिल्ली कोति ले आवत ट्रक ह जोरदार टक्कर मार दिस। हादसा के बाद प्रशासन फेर सावधानी के राग अलापत हाबे। जानबा होवय के सरकार लगातार मजदूर मन ल अपील करत हाबे के पैदल या ट्रक म सफर झिन करो, सरकार सबो ल घर अमराही। अब ये लापरवाही कोन करिस ये तो जांच के विषय आए फेर मजदूर मन संग अइसन दुर्घटना दुखदायी आए। जानकारी मिलते ही मुख्यमंत्री योगी आदित्यनाथ ह सड़क दुर्घटना म प्रवासी कामगार श्रमिक मनके मउत म दुःखद संवेदना व्यक्त करत पीड़ित मनला हर संभव राहत प्रदान करे अउ, घायल मनके समुचित उपचार कराये के संगे-संग दुर्घटना के लघियात जांच करे के निर्देश तको दे हाबे।उप्र.अंजोर.16

जनपद औरैया में सड़क दुर्घटना में प्रवासी कामगारों/श्रमिकों की मृत्यु दुर्भाग्यपूर्ण एवं दुःखद है, मेरी संवेदनाएं मृतकों के शोक संतप्त परिजनों के साथ हैं।

पीड़ितों को हर संभव राहत प्रदान करने,घायलों का समुचित उपचार कराने व दुर्घटना की त्वरित जांच करवाने के निर्देश भी दिए गए हैं।

— Yogi Adityanath (@myogiadityanath) May 16, 2020

उतर प्रदेश के औरैया में सड़क हादसे में 24 मजदूरों की मौत और अनेक लोगों के घायल होने की खबर से आहत हूं।मृतकों के परिवारों के प्रति मैं अपनी गहरी संवेदना व्यक्त करता हूं और घायलों के जल्द स्वस्थ होने की कामना करता हूं।

— Rahul Gandhi (@RahulGandhi) May 16, 2020