पूर्व मुख्यमंत्री अजीत जोगी के तबीयत बने नइये

छत्तीसगढ़ के पहिली मुख्यमंत्री अउ जनता कांग्रेस छत्तीसगढ़ के संस्थापक अजीत जोगी जी के तबीयत बने नइये। उंकर निजी अस्पताल म इलाज चलत हाबे। बेटा अमित जोगी के अलावा पत्नी श्रीमती रेणु जोगी करीबी लोगन मन संग अस्पताल म हावय। ये बात के जानकारी देवत

सोशल मीडिया म अमित जोगी मन किहिन के पापा के तबीयत बने नइये ओमन बहुत गंभीर हाबे। ढ़ाई करोड़ छत्तीसगढ़वासी मन के प्रार्थना अउ भगवान के मर्जी ऊपर सबो निर्भर हाबे। ओमन एक योद्धा आए, हमन ला पूरा भरोसा हाबे के ओमन लघियात बने होही। एक पइत फेर परिस्थिति ल हराके अजेय होही। जोगी जी के तबीयत के आरो पाते ही पार्टी कार्यकर्ता के अलावा प्रदेश के मुख्यमंत्री अउ राज्यपाल के अलावा आन सबो नेता मन जोगी जी के जल्दी ही बने होए के कामना करे हाबे।