नरवा विकास कार्यक्रम के तहत देवरानी-जेठानी नाला के चलत हाबे काम

बालोद.अंजोर.16। राज्य सरकार के महत्वकांक्षी योजना नरवा विकास कार्यक्रम के तहत बालोद वन मंडल म कैम्पा मद ले स्टाप डेम अउ मृदा क्षरण रोके खातिर कच्चा गैबियन बनाये जावथे। ये बुता ल देखे खातिर मुख्यमंत्री के सलाहकार प्रदीप शर्मा अउ राज्य योजना आयोग के सदस्य सुब्रमण्यम जी सहित अऊ आन बड़का अधिकारी मन पहुंचिन। पहाड़ी ले घाटी तक देवरानी-जेठानी नाला के पानी निकासी के बुता ल देखत बने काम ल सहराइन तको। आगू ओमन स्टाप डेम अउ माटी के कटाव ल रोके खातिर बनत अस्थाई बेवस्था के अवलोकन तको करिन। बताये मुताबिक येकर बने ले बालोद के वन परिक्षेत्र के लोगन मनला गजब फायदा मिलही।