आन राज ले छत्तीसगढ़ अवइया मजदूर मन खातिर सरकार कोति ले 4 रेल पक्का होगे हाबे। जेमा आन राज म फंसे मजदूर, छात्र अउ इलाज वाले मन ही आही। ओमन ल सबले पहिली ऑनलाइन पंजीयन कराये बर परही। जानकारी के मुताबिक छत्तीसगढ़ सरकार ह एप्प के लिंक जारी
करत केहे हाबे के स्थानीय प्रशासन ले मिलव अउ जेन मन ऑनलाइन रजिस्ट्रेशन नइ कराये हाबे ओमन लघियात कराव। जइसे ही अनुमति मिलही रेल चलाए जाही, जिहा ले जादा पंजीयन होही उहां केउ चरण म रेल चलाये जाही। जानबा होवय के अभी सरकार कोति ले 4 ट्रेन कन्फर्म होए हाबे। जेन म पठानकोट पंजाब ले चांपा, साबरमती अहमदाबाद ले बिलासपुर अउ विजयावाड़ा आन्ध्रप्रदेश ले बिलासपुर चलही।
ये रेल म अवइया http:cglabour.nic.in/covid19MigrantRegistrationService.aspx म आवेदन करव। येकर अलावा हेल्पलाइन नम्बर 0771-2443809, 9109849992, 7587821800, 7587822800, 9685850444, 9109283986, 8827773986 म तको आरो कर सकत हाबे। रायपुर.09
