ई-मेल ले दस्तावेज भेजे म तको होही अब रोजगार पंजीयन अउ नवीनीकरण

कवर्धा.20। कोरोना वायरस के संक्रमण ले बचाव खातिर अब जिला रोजगार अउ स्वरोजगार मार्गदर्शन केन्द्र, कबीरधाम कोति ले रोजगार सहायता के इच्छुक अभ्यर्थी मनके पंजीयन अउ नवीनीकरण के काम अब ई-मेल ले मिले दस्तावेज के आधार म करे जाही। लॉकडाउन अवधि म कार्यालय कोति ले ये सुविधा जिला के लोगन मनला दे जावथाबे। रोजगार पंजीयन ऑनलाईन करके, पंजीयन क्रमांक, संबंधित अंकसूची, निवास अउ स्थायी जाति प्रमाण पत्र, मोबाईल नंबर कार्यालय के ई-मेल rojgarpanjiyankwd@gmail.com म भेजे के बाद उंकर पंजीयन करके, पहचान पत्र संबंधित अभ्यर्थी के ई-मेल म पठोय जाही। नवीनीकरण खातिर सिरिफ रोजगार पंजीयन पत्र ई-मेल ले पठोय म ओमन ल नवीनीकृत पहचान पत्र ई-मेल ले ही मिलही। अऊ जादा जानकारी कार्यालय के फोन नंबर 07741-232990 म ले सकत हाबे। जिला रोजगार अधिकारी प्रमोद जैन ह ये बात ल बतावत केहे हाबे के लोगन ल अब लॉकडाउन अवधि म कार्यालय आए के जरूरत नी परय ओमन ई-मेल ले ही सबो दस्तावेज भेज के अपन पंजीयन, नवीनीकरण करा सकही।