72 गांव म सोडियम हाईड्रोक्लोराइड, ब्लीचिंग पाउडर छिताइस
रायपुर. लोक स्वास्थ्य यांत्रिकी, ग्रामोद्योग मंत्री अउ अहिवारा विधानसभा क्षेत्र के विधायक गुरू रूद्रकुमार ह अपन विधानसभा क्षेत्र के सबो गांव म सोडियम हाईड्रोक्लोराइड लिक्विड अउ ब्लीचिंग पाउडर छितवा के सेनेटाइज करवाइन।
ओमन बताये हाबे के अहिवारा विधानसभा क्षेत्र के ग्राम नंदकट्ठी, भेड़सर, अंजोरा, दांडेसरा, चिखली, करंजा भिलाई, मुरमुन्दा, ढाबा, कन्डरका, रवेलीडीह सहित आन 72 गांव सेनेटाइज होगे। गांव ल सेनेटाइज करे म कमती लागत आथे अउ ये बुता म राज्य शासन के डीएमएफ जइसन मद ले करे जा सकथे। गुरू रूद्रकुमार ह स्वयं अपन विधानसभा म जिकर करत ये काम ल उरकाइन। संग म कोरोना फाइटर्स टीम जेमा जयंत देशमुख, अमनदीप सिंह, भुवनेश्वर यादव, प्रशांत गौतम, धर्मेश देशमुख तको योगदान दीस। सेनेटाइज होए के बाद किए जाने मंत्री गुरू रूद्रकुमार ह गांव वाले मनला सेनेटाइजर, साबुन अउ मास्क तको बाटिस।
