बालोद.23। छत्तीसगढ़ माध्यमिक शिक्षा मंडल कोति ले जारी कक्षा 10वीं के परिणाम ले बेटी मन ऊपर गरब करत हाबे दाई-ददा मन। काबर के 10वीं बोर्ड के टॉपर मनके सूची ल देखे जाए तव सबले जादा बेटी मन के ही कब्जा हाबे। ए पइत छोटे-छोटे जिला के सरकारी स्कूल के नोनी मन पहला, दूसरा अउ तीसरा स्थान पाके गजब नाम कमावत हाबे। एसो बालोद जिला के लाटाबोड हाई स्कूल के नोनी कु. भारती यादव पिता रोमलाल यादव अउ माता श्रीमती मंजूषा यादव ह 10वीं बोर्ड म जिला म पहला स्थान के साथ ही प्रदेश म तीसरा स्थान पाये हाबे। भारती ह 10वीं के परीक्षा म कुल 600 म 592 अंक पाये हाबे। नोनी के प्रतिभा ले न सिरिफ माता-पिता बल्कि गुरूजन अउ संगी-साथी मन तको मगन होगे मया आसीस देवत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।