बिलासपुर म फेर धराइस 8 जुआरी, 1 लाख 9 हजार 70 रूपिया नगदी जप्त

बिलासुपर.26। कोरोना काल म तको लोगन मन जुआ खेले बर नइ छोड़त हाबे। बिलासपुर के इमलीपारा म चलत तास फड़ म मुखबिर के सूचना के आधार म रेड मारत सिविल लाइन पुलिस ह 8 जुआरी मनला धरे हाबे। एफआईआर क्रमांक 044/2020 के मुताबिक जुआडि़हा विकास सिंह, केशव अग्रवाल, आकाश गुप्ता, कैलास गंगवानी, शिशिर अग्रवाल, प्रसांत नायडू अउ करन छाबडा ल तास पत्ता अऊ कुल 1 लाख 9 हजार 70 रूपिया नगदी रूपिया सहित पकड़े गे हाबे। सबो आरोपी मनला धारा 188 भादवि अउ धारा 13 जुआ एक्ट के तहत विधिवत गिरफ्तार करके आगू के कार्यवाही करे जावत हाबे।