रायपुर.06। भाजपा के नवा प्रदेश अध्यक्ष पूर्व केन्द्रीय मंत्री विष्णुदेव साय ह पार्टी के सादा समारोह म पार्टी के वरिष्ठ कार्यकर्ता मनके मौजूदगी म पदभार ग्रहण करिस। ये मउका म पार्टी कार्यालय म पूर्व मुख्यमंत्री डॉ. रमन सिंह उंकर स्वागत करत किहिन के ये नवा जिम्मेदारी खातिर श्री साय ल हार्दिक शुभकामना, मोला पूरा विश्वास हाबे के अब ओकर नेतृत्व ले कार्यकर्ता म नवा उत्साह के संचार होही। ये मउका म श्री साय ह औपचारिक रूप ले भारतीय जनता पार्टी, छत्तीसगढ़ के प्रदेश अध्यक्ष के रूप म पदभार लेके बाद अपन विचार राखत किहिन के मैं पार्टी के सिद्धांत अउ विचार ल मूलमंत्र बनाके छत्तीसगढ़वासी मनके सेवा म हमेशा संलग्न रइहू। श्री साय के पदग्रहण के जलसा म डॉ. रमन सिंह के अलावा सरोज पांडेय, विक्रम उसेंडी, धरम लाल कौशिक, बृजमोहन अग्रवाल, सुनील सोनी अउ गौरीशंकर अग्रवाल सहित अऊ आन नेता मन जुरियाए रिहिन हाबे।
आज औपचारिक रूप से भारतीय जनता पार्टी, छत्तीसगढ़ के प्रदेश अध्यक्ष के तौर पर पदभार ग्रहण किया।— Vishnu Deo Sai (@vishnudsai) June 6, 2020
मैं पार्टी के सिद्धांतों एवं विचारों को मूलमंत्र बनाकर छत्तीसगढ़ वासियों की सेवा में हमेशा संलग्न रहूँगा । pic.twitter.com/cEH7b30Frl
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।