बिलासपुर। छत्तीसगढ़ सरकार ह पाछू दिन प्रदेश के गजब झिन आईएएस अफसर मनके तबादला करिस। जेन म डॉ.संजय अलंग ल डीएम बिलासपुर ले संभागायुक्त बिलासपुर संभाग के अलावा सरगुजा संभाग के तको अतिरिक्त प्रभार मिले हाबे। प्रशासनिक अनुभव के संग डॉ. अलंग स्थानीय कला-साहित्य म तको गजब दखल रखथे। ओमन के छत्तीसगढ़: इतिहास और संस्कृति, शव, छत्तीसगढ़: त्योहार और उत्सव, छत्तीसगढ़ के हस्तशिल्प जइसन अनेक किताब चर्चित हाबे। मिले आरो के मुताबिक डॉ.संजय अलंग ह संभागायुक्त कार्यालय म तत्कालीन संभागायुक्त बी.एल.बंजारे ले विधिवत चार्ज लिस। ये मउका म ओमन संभागायुक्त कार्यालय के निरीक्षण करत राजस्व न्यायालय म राजस्व प्रकरण के स्थिति अउ निराकरण बारे म जानकारी लिस। आगू ओमन कोरोना वायरस के संक्रमण ले देखत कार्यालय म साफ-सफाई, सोशल डिस्टेंसिंग के पालन करत काम करे के निर्देश दिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।