छत्तीसगढ़ म कोरोना ले 10 वां मउत, कुल संक्रमित 2018 म 1305 बने होगे

राजनांदगांव.19। छत्तीसगढ़ राज म अब तक कुल 120523 संभावित लोगन मनके सेंपल जांच करे गे हाबे जेमा 2018 कोरोना पॉजिटिव मिले हाबे। येमा से अब तक 1305 मरीज बने होके अपन घर चल दे हाबे। मिले आरो के मुताबिक आज छत्तीसगढ़ म कोरोनो ले आज 10 वां मउत होगे। राजनांदगांव जिला के ये मरीज ह पहिली ले अस्पताल म भरती रिहिसे जेकर मउत के बाद रिपोर्ट पॉजिटिव आइसे। आज कुल 70 नवा कोरोना पॉजिटिव मरीज मिले हाबे जेमा जांजगीर चांपा के 18, सरगुजा के 17, रायपुर के 9, बलौदाबाजार ले 8, जशपुर ले 6, मुंगेली ले 4, राजनांदगांव ले 3, बिलासपुर ले 2, दुर्ग ले 1 अउ कोरिया ले 1 मरीज हावय। सबो के अस्पताल म भर्ती के प्रक्रिया चलत हाबे।

#COVID19 UPDATE
आज राज्य में कुल 70 कोरोना पॉजिटिव मरीज़ों की पहचान हुई। 103 कोरोना से पीड़ित मरीज़ स्वस्थ होने के उपरांत डिस्चार्ज किए गए।#ChhattisgarhFightsCorona@TS_SinghDeo @ChhattisgarhCMO @Niharikaspeaks pic.twitter.com/FY0QGm7VCX

— Health Department CG (@HealthCgGov) June 19, 2020