मुख्यमंत्री अउ राज्यपाल ह प्रदेशवासी मनला दीस रथयात्रा के बधाई

रायपुर.23। छत्तीसगढ़ के मुख्यमंत्री श्री भूपेश बघेल ह प्रदेशवासी मनला रथयात्रा परब के बधाई देतव किहिन के भगवान जगन्नाथ के रथयात्रा ल सौहार्द, भाई-चारा अउ एकता के प्रतीक माने जाथे। देशभर म हर साल भक्ति-भाव अउ उत्साह ले रथयात्रा के आयोजन होथे। फेर ए पइत कोरोना के संक्रमण ल देखत भीड़ ले बचें अउ सोशल डिस्टेंसिंग के दिशा-निर्देश के पालन करत भगवान जगन्नाथ के रथयात्रा म सामिल होवय। ये मउका म प्रदेश के राज्यपाल सुश्री अनुसुईया उइके तको भगवान जगन्नाथ जी के रथयात्रा परब के बधाई देवत किहिन के रथयात्रा हमर आस्था अउ संस्कृति ले जुड़े परब हाए। अइसन परब मन हम सब ल एक सूत्र म बंधाय के अवसर देथे।