कोण्डागांव.19। छत्तीसगढ़ प्रदेश कांग्रेस अध्यक्ष अउ कोण्डागांव के विधायक मोहन मरकाम ह कांग्रेस के बड़का नेता राहुल गांधी जी के जनमदिन के मउका म कोरोना काल म तको अपन सेवा देवइया कोरोना वारियर्स मनके सम्मान करिन। सोशल मीडिया ले मिले आरो के मुताबिक श्री मरकाम ह पुलिस विभाग के अधिकारी, कर्मचारी मनला शॉल अउ बरसाती छाता देके सम्मान दीस। ओमन कोण्डागांव के अस्पताल म जाके कोरोना महामारी म अपन अमूल्य सेवा देवत स्वास्थ्य विभाग के टीम के तको सम्मान करिन अउ संगे-संग अस्पताल म भरती मरीज मनला खाद्य सामग्री बांटत मरीज मनके लघियात बने होए के कामना करत किहिन के आशा करत हवं के सबो अधिकारी, कर्मचारी मन अपन कर्तव्य पूरा निष्ठा ले निभाही।
आज राहुल गांधी जी के जन्मदिन के अवसर पर कोरोना जैसी महामारी से निपटने में अमूल्य सेवा प्रदान करने वाले स्वास्थ्य व पुलिस विभाग के अधिकारी/कर्मचारी को मैनें शॉल और बरसाती छाता का वितरण किया। साथ ही जिला अस्पताल के मरीजों को फल वितरण किया। pic.twitter.com/QrEP2JXIEx— MOHAN MARKAM (@MohanMarkamPCC) June 19, 2020
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।