रायपुर.08। रायपुर म लगातार कोविड-19 के पॉजिटिव केस बाढ़त हाबे। पाछू दिन बिरगांव म होए एक मरीज के मउत के बाद प्रशासन अऊ शक्ति के मूड म दिखत हाबे। मिले जानकारी के मुताबिक सरलग कई कोरोना पॉजिटिव मिले के बाद कन्टेनमेंट जोन बने बिरगांव के सड़क म टीआई बिगर वर्दी के सड़क म लउठी भांजत उतरे रिहिसे। उत्ताधुर्रा लउठी भांजत पुलिस के कई वीडियो शहर म वायरल होइस। वीडियो देखे के बाद कतकोन लोगन येला सही मानत हाबे के कोरोना के खतरा ल देखत पुलिस के अइसन रूप वाजिब हाबे, फेर का ये वीडियो म जेन दिखत हाबे ओहा पुलिस के मानवीय रूप आए यहू जबर सवाल खड़ा करथे।
ये संबंध म आज विभागीय कार्यवाही करत एसएसपी आरिफ शेख रायपुर कोति ले ट्वीट करत केहे गे हाबे के बिरगांव कन्टेनमेंट जोन म लोगन मन उपर लउठी मारत जोन वीडियो वायरल होइसे ओमा संज्ञान लेवत संबंधित टीआई के विरुद्ध विभागीय जांच संस्थापित कर दे गे हाबे। संगे-संग अलग से घटना के जांच खातिर अतिरक्त पुलिस अधीक्षक (ग्रामीण) ल जिम्मा दे गे हाबे।
बिरगांव कन्टेनमेंट जोन में लोगो पर लाठी मारते हुए जो वीडियो वायरल हुआ है उस पर संज्ञान लेते हुए संबंधित TI के विरुद्ध विभागीय जांच संस्थापित कर दी गयी है। साथ ही पृथक से घटना की जांच हेतु अतिरक्त पुलिस अधीक्षक (ग्रामीण) को दिया गया है।@dmawasthi_IPS86 @ipsvijrk— Arif Shaikh (@arifhs1) June 8, 2020
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।