दुर्ग पुलिस ल मिलिस बड़े सफलता, नेशनल हाईवे के लूटेरा गिरोह गिरफ्तार

दुर्ग.06। दुर्ग भिलाई के नेशनल हाईवे म आन रद्दा रेंगइया मन संग ट्रक ड्राइवर मनला तको लूटे के गजब दिन ले आरो मिलत रिहिसे। ये संबंध म दुर्ग पुलिस ल बड़का सफलता मिले हाबे। ओमन नेशनल हाईवे म ट्रक ड्राइवर मनला लुटइया के पूरा गिरोह ल गिरफ्तार करे हाबे। ये बात के जानकारी ल ट्वीट करत दुर्ग पुलिस के आधिकारिक ट्वीटर म लिखे हाबे के ओमन के पकड़ाए ले दुर्ग भिलाई क्षेत्र के आने-आने 5 मामला के खुलासा तको होए हाबे जेमा ओमन रद्दा रेंगइया मनले मोबाइल लुटे रिहिसे। लूटेरा गिरोह के 4 आरोपी पकड़ म आए हाबे जेमा के एक विधि विरुद्ध बालक गिरफ्तार होइस। उंकर मन ले 6 मोबाइल फोन, 6000 रूपिया समेत तीन ठी चाकू अउ दू ठी मोटरसाइकिल बरामद होए हाबे।

नेशनल हाईवे पर ट्रक ड्राइवर को लूटने वाला गिरोह गिरफ्तार। दुर्ग भिलाई क्षेत्र के 5 मामलों का भी खुलासा,जिसमें यह आरोपी टहलने वाले लोगों के मोबाइल छीनते थे। 04 आरोपी, एक विधि विरुद्ध बालक गिरफ्तार, उनके पास से 6 मोबाइल फोन, ₹60000, तीन चाकू दो मोटरसाइकिल बरामद। @CG_Police pic.twitter.com/tz6MisJbyJ

— Durg Police (@PoliceDurg) June 5, 2020