मुंगेली.24। मुंगेली जिला के सरगांव ले लगभग 10 किमी दूरिहा गांव मर्राकोना म एक घर के सेप्टिक टेंक के सफाई करे बर उतरे चार झिन के दम घुटे ले मउत होगे हाबे। मिले आरो के मुताबिक टेंक म उतरे के बाद उहां के जहरीला गैस के सेती सफई करे बर उतरे आदमी ह उपर नइ आ सकिस। तेकर पाछू आन मन तको आगू के मन ल निकाले खातिर सेप्टिक टेंक म उतरिन अऊ उहू मन उहेंच रइगे। बाद म लोगन मन पुलिस ल आरो करके लाश ल बाहिर निकालिस। मउत के ये मामला म प्रदेश के मुख्यमंत्री भूपेश बघेल ह ट्वीट करके दुख व्यक्त करत किहिन के शोक संतप्त परिवार संग मोर संवेदना हाबे। ओमन जिला प्रशासन ल पीड़ित परिवार के हर संभव सहायता उपलब्ध कराये के निर्देश दे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।