नारायणपुर.24। अबूझमाड़ अंचल म नारायणपुर पुलिस के डीआरजी पार्टी अउ एसटीएफ छत्तीसगढ़ के टीम ल बड़का कामयाबी मिले हाबे। नारायणपुर के ओरछा म माओवादी मनके ठहरे के जानकारी पाके नारायणपुर पुलिस के डीआरजी. पार्टी अउ एसटीएफ छत्तीसगढ़ के टीम ह सर्चिक करत ठिकाना म पहुंचिन। फेर पुलिस टीम के आए के आरो पाके माओवादी मन पहिली ही अपन अस्थाई ठिकाना ल छोड़के भागगे। ट्वीट ले मिले आरो के मुताबिक डीआरजी अउ एसटीएफ के टीम ह माओवादी मनके कैम्प ल ध्वस्त करके जांच करिन तव उहां ले भारी मात्रा म हथियार, गोलाबारूद, आईईडी अउ राकेट लान्चर बरामद होइसे। उहें ओरछा नारायणपुर म नक्सली मन कोति ले लगाये आईईडी ब्लास्ट म 16वीं बटालियन के एक जवान राहुल चेलक के घायल होए के आरो तको मिले हाबे। घायल जवान ल इलाज खातिर रायपुर के अस्पताल पठोये गे हाबे।
● अबूझमाड़ क्षेत्र में नारायणपुर पुलिस की डी.आर.जी. पार्टी एवं एसटीएफ छत्तीसगढ़ की संयुक्त टीम द्वारा माओवादियों के कैम्प को किया गया ध्वस्त— Suraj Singh Parihar IPS (@SurajSinghIPS) June 23, 2020
● भारी मात्रा में माओवादियों के हथियार, गोलाबारूद, आईईडी, राकेट लान्चर बरामद @NarayanpurP @CG_Police @drmohitkgarg @ipskabra pic.twitter.com/KUa2QH9Vcf
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।