नई दिल्ली.19। कोरोना काल म फदके देश भरके लोगन मन अब अपन-अपन गांव पहुंच तो गे हाबे फेर काकरो कना आजीविका के बने अवसर नइये। अइसन वापस आए प्रवासी श्रमिक अउ गांव के लोगन मनला सशक्त बनाये अऊ आजीविका के अवसर प्रदान करे खातिर भारत सरकार कोति ले एक व्यापक ग्रामीण सार्वजनिक कार्य योजना 'गरीब कल्याण रोजगार अभियान' सुरू करे जावत हाबे। एजेंसी ले मिले आरो के मुताबिक प्रधानमंत्री श्री नरेन्द्र मोदी ह 20 जून के बिहार के मुख्यमंत्री अउ उपमुख्यमंत्री के मौजूदगी म वीडियो कॉन्फ्रेंसिंग के माध्यम ले ये अभियान के शुरुआत करही। अभियान बिहार के खगड़िया जिला के ग्राम-तेलिहार, ब्लॉक- बेलदौर ले लॉन्च करे जाही। आगू पांच आन राज के मुख्यमंत्री अउ संबंधित मंत्रालय के केंद्रीय मंत्री मन तको वर्चुअल लॉन्च म भाग लेही। कोविड-19 महामारी के सेती सामाजिक दूरी के नियम के पालन करत 6 राज्य के 116 जिला के गांव सार्वजनिक सेवा केंद्र अउ कृषि विज्ञान केंद्र के माध्यम ले कार्यक्रम म जुड़ही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।