बस्तर संभाग.06। नक्सली मनके मदद करइया शहरी नेटवर्क उपर छत्तीसगढ़ पुलिस के बड़का कार्यवाही होए हाबे। ये बात के जानकारी देवत आईपीएस रेंक के बड़का अफसर ह ट्वीट करे हाबे के नक्सली मनला कारतूस के सप्लाई करइया शहरी नेटवर्क के चार झिन के गिरफ्तारी होए हाबे। जेमा के एक धमतरी, एक गुंडरदेही अउ दू झिन दुर्गकोंदल कांकेर के रहइया आए। मिले आरो के मुताबिक उंकर मन तिर ले पुलिस ह 600 से आगर कारतूस अउ गजब अकन नक्सल साहित्य तको मिले हाबे। येकर अलावा बीजापुर म 7 लाख के इनामी नक्सली दंपति के तको आत्मसमर्पण करे के आरो मिले हाबे। येमा पति गोपी मोडियम उपर 5 लाख के इनाम अउ पत्नी भारती कट्टम उपर 2 लाख के इनाम रिहिसे। येमन समाज के मुख्यधारा म आए खातिर बीजापुर पुलिस अधीक्षक के सामने सरेंडर करे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।