रायपुर.25। छत्तीसगढ़ माध्यमिक शिक्षा मंडल के बाद आज छत्तीसगढ़ संस्कृत विद्यामण्डलम् के परीक्षा तको स्कूल शिक्षा मंत्री डॉ.प्रेमसाय सिंह टेकाम ह जारी करिस। छत्तीसगढ़ संस्कृत विद्यामंडलम् कोति ले 2020 म आयोजित परीक्षा म उत्तीर्ण विद्यार्थी के प्रतिशत 96.92 हाबे। जेन पाछु बछर ले 2.07 प्रतिशत जादा हाबे।
छत्तीसगढ़ संस्कृत विद्यामण्डलम् के कक्षा 9वीं ले 12वीं तक के परीक्षा खातिर 31 परीक्षा केन्द्र निर्धारित करे गे रिहिस। जेमा पूर्व मध्यमा प्रथम वर्ष (9वीं) म कुल एक हजार 186 से एक हजार 127, पूर्व मध्यमा द्वितीय (10वीं) म कुल 881 से 859, उत्तर मध्यमा प्रथम वर्ष (11वीं) के 712 से 697 अउ उत्तर मध्यमा द्वितीय वर्ष (12वीं) म शामिल 601 से 593 परीक्षार्थी उत्तीर्ण होइसे। ये मउका म संस्कृत विद्यामण्डलम् के प्रभारी सचिव श्रीमती पूर्णिमा पाण्डेय, सहायक संचालक लक्ष्मण प्रसाद साहू सहित संस्कृत विद्यामण्डलम के अधिकारी अउ संस्कृत विद्यालय के प्रधानाचार्य तको उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।