प्रधानमंत्री लॉच करिस आत्मनिर्भर उत्तर प्रदेश रोजगार अभियान, यूपी म लहुंटे हाबे 30 लाख मजदूर

नई दिल्ली.26। कोरोना राई के सेती देशभर के मजदूर मन पहिली अपन-अपन ठिहा म फंसे रिहिसे। अब लॉकडाउन के बाद अब ओमन गांव पहुंच के बुता के जबर संसो करत हाबे। इही सेती प्रधानमंत्री श्री मोदी ह उत्तर प्रदेश लहुंटे लगभग 30 लाख मजदूर मनके आजिविका खातिर ‘आत्मरनिर्भर उत्तर प्रदेश रोजगार अभियान’ के सुरूआत करे हाबे। ये योजना के तहत भारत सरकार अउ राज्य सरकार के कार्यक्रम म समिलहा रोजगार के अवसर, स्थानीय उद्यमिता ल बढ़ावा, औद्योगिक संघ अऊ आन संगठन के साथ साझेदारी बर विशेष बुता करे जाही।