स्वतंत्रता संग्राम सेनानी स्वर्गीय श्री बिसाहू दास महंत ल पुण्यतिथि म सुरता करिन श्री बघेल

रायपुर.23। महान स्वतंत्रता संग्राम सेनानी स्वर्गीय श्री बिसाहू दास महंत के पुण्यतिथि म उनला सुरता करत प्रदेश के मुख्यमंत्री श्री भूपेश बघेल ह उंकर छायाचित्र म माल्यार्पण करके विनम्र श्रद्धांजलि अर्पित करिन। ये मउका म मुख्यमंत्री ह श्रद्धांजलि अर्पित करत किहिन के महंत जी के पूरा जीवन जनसेवा ले जुड़े रिहिसे। स्वतंत्रता संग्राम सेनानी के साथ-साथ सफल राजनेता के रूप म तको उंकर बड़का छवि रहे हाबे। श्री महंत ह अविभाजित मध्यप्रदेश म विधायक अउ मंत्री के रूप म प्रदेश के विकास खातिर अपन अमूल्य सेवा दे हाबे। खेती-किसानी, सिंचाई अउ सड़क के माध्यम ले लोगन मनके बेहतरी के बुता ल बखूबी अंजाम दिए हाबे। मुख्यमंत्री श्री बघेल ह आगू किहिन के स्वर्गीय श्री महन्त के बताये जनकल्याण के रद्दा म चलके प्रदेश म विकास ल नवा आयाम दे के दिशा म कार्य करे जावत हाबे।  

ये मउका म वरिष्ठ विधायक सत्यनारायण शर्मा, संसदीय सचिव विकास उपाध्याय, शिशुपाल सोरी, छत्तीसगढ़ राज्य पाठ्य-पुस्तक निगम के अध्यक्ष शैलेष नितिन त्रिवेदी, छत्तीसगढ़ राज्य खनिज विकास निगम के अध्यक्ष गिरीश देवांगन, छत्तीसगढ़ राज्य खाद्य, नागरिक आपूर्ति निगम के अध्यक्ष रामगोपाल अग्रवाल, छत्तीसगढ़ राज्य गृह निर्माण मंडल के अध्यक्ष कुलदीप जुनेजा, रायपुर विकास प्राधिकरण के अध्यक्ष सुभाष धुप्पड़, मुख्यमंत्री के सलाहकार विनोद वर्मा अउ राजेश तिवारी, महापौर एजाज ढेबर के संग सभापति प्रमोद दुबे जी मन तको उपस्थित रिहिन।

बिसाहू दास महंत जी फोटो

Bisahu Das Mahant