बस संचालक ल मिलिस बड़े राहत, अप्रेल अउ मई के बाद अब जून के मासिक कर म तको छूट

रायपुर.01। मुख्यमंत्री ह प्रदेश के यात्री बस संचालक मनला कोरोना संकटकाल म बड़े राहत दे हाबे। यात्री बस संचालक मनला जून माह के मासिक कर म तको छूट प्रदान करे जाही। येकर पहिली तको राज्य सरकार कोति ले अप्रैल अउ मई महीना के मासिक कर म छूट प्रदान करे गे रिहिसे। जानकारी के मुताबिक अब राज्य शासन के ये निर्णय ले प्रदेश के यात्री बस संचालक मनला लगभग पांच करोड़ रूपिया के लाभ होही। कोरोना काल के आर्थिक संकट के दौर म बंद परे बस सेवा म अब बस संचालक मन ल थोरिक राहत जरूर मिलही फेर संकट के बेरा बिते नइये।