सांसद सरोज पांडेय के चिट्ठी के जवाब म सीएम बघेल किहिन पूर्ण शराबबंदी जरूर होही, एक राखी पीएम ल तको पठो दे बहिनी

रायपुर.23। भाजपा के राष्ट्रीय महामंत्री अउ राज्यसभा सदस्य सुश्री सरोज पांडेय ह छत्तीसगढ़ म पूर्ण शराबबंदी के मांग करत प्रदेश के मुख्यमंत्री श्री भूपेश बघेल ल चिट्ठी पठो के रक्षाबंधन के मउका म वादा निभाये के बात कहे हाबे। सुश्री पांडेय ह लिखथे के आपमन अपन घोसना पाती म दाई-बहिनी मनले शराबबंदी के वादा करके सत्ता पाये हाबव। ओमन आगू छत्तीसगढ़ के तीज तिहार के ओढ़र म बहिनी मनला शराबबंदी के भेट देके मांग करत सीएम ल रेशम डोरी संग रोली, अक्षत तको पठोय हाबे। 

सांसद सरोज पांडेय के पाती के जवाब म सीएम श्री बघेल ह ट्वीट करके केहे हाबे के बहिनी आज तोर भाई भूपेश वादा करत हाबे के छत्तीसगढ़ म पूर्ण शराबबंदी होके रइही, हम सब येकर तइयारी म लगे हाबन।

ये मउका म ओमन पूर्व मुख्यमंत्री डॉ. रमन सिंह के बारे म तको किहिन के 15 साल तक वादा तोड़ीस, आपके बात नइ मानिस। 

बहिनी, मैं एक आग्रह अऊ करत हवं के एक राखी अपन भाई नरेंद्र मोदी जी ल तको भेज दें अउ ओकरो ले वादा करवा के देशवासी मनले करे सब्बो वादा ल पूरा कर सकें।

बहन सरोज पांडेय जी! आज आपका भाई भूपेश आपसे वादा कर रहा है कि छत्तीसगढ़ में पूर्ण शराबबंदी होकर रहेगी, हम सब इसकी तैयारी में लगे हैं।

साथ ही आपका आभार इसलिए कि आपने आज पुनः प्रदेश के सामने ला दिया कि आपके भाई @drramansingh ने 15 साल तक आपके वादे को तोड़ा, आपकी बात नहीं मानी। https://t.co/ReJNc9pRaG

— Bhupesh Baghel (@bhupeshbaghel) July 23, 2020