छत्तीसगढ़ म ‘मुनगा’ पौधरोपण अभियान ले स्कूल, आंगनबाड़ी अउ अउ छात्रावास म रोपे जाही पौधा

रायपुर.05। मुख्यमंत्री श्री भूपेश के निर्देश के अनुसार वन विभाग कोति ले 6 जुलाई के राज्य भर म ‘मुनगा’ पौधारोपण के विशेष अभियान चलाये जाही। जेमा प्रदेश के सबो शासकीय स्कूल, आंगनबाड़ी केन्द्र अउ छात्रावास-आश्रम म मुनगा के पौधा लगाये जाही। ये मउका म वन मंत्री श्री मोहम्मद अकबर ह बताइन के ये अभियान कुपोषण मुक्त छत्तीसगढ़ के परिकल्पना ल साकार करे म अहम भूमिका निभाही। 

मुनगा हमर सेहत बर बहुत फायदेमंद हावय। पौष्टिकता ले भरपूर मुनगा ल आयुर्वेद म महत्वपूर्ण स्थान मिले हावय। येहा डायबिटीज ले लेके कैंसर जइसन भयंकर बीमारी म तको चमत्कारी होथे। मुनगा मल्टीविटामिन ले भरपूर होथे, पाना म प्रो‍टीन के संगे-संग विटामिन बी-6, विटामिन सी, विटामिन ए, विटामिन ई पाये जाथे हावय। येकर अलावा आयरन, मैगनिशियम, पोटेशियम अउ जिंक जइसे मिनरल तको रिथे। राज्य शासन कोति ले संचालित ये महत्वपूर्ण अभियान ल शासन-प्रशासन के साथ-साथ जनप्रतिनिधी अउ आम नागरिक मनके सहयोग ले सफल बनाये जाना हाबे।