कोरोना के डर ले माओवादी साथी मन धुत्कारिस तब जागिस पुलिस म भरोसा : माओवादी

बीजापुर.04। कोरोना राई के सेती पाछू दिन माओवादी मन अपने साथी ल संगठन ले बाहिर कर दे रिहिसे। मिले आरो के मुताबिक पाछू केऊ बछर ले सुमित्रा चेपा बटालियन के कंपनी नम्बर 01 के प्लाटून नम्बर 03 के सेक्शन सदस्या के रूप म माओवादी मन संग काम करत रिहिसे। लेकिन सर्दी खासी अउ बुखार आये म ओकरे साथी मन कोरोना के डर म ओला धुत्कार दीस। 

जब पुलिस के हाथ लगिस तव ओला पुलिस प्रशासन ह उपचार अउ जांच के सुविधा देवा के बने कराइस। अब ओकर कोरोना रिर्पोट निगेटिव आए के साथ ही एक अऊ जबर खुशी के बात हाबे के ओमन ह मन विचार ले अब मुख्यधारा म लहुंटे के मन बना के आत्मसमर्पण करे हाबे। बीजापुर पुलिस के ट्वीट ले आरो मिले हाबे के सुमित्रा चेपा के अलावा अऊ आन माओवादी दंपत्ति मन ह तको बस्तर रेंज के आईजी, सीआरपीएफ के डीआईजी, पुलिस अधीक्षक अउ कलेक्टर के समक्ष आत्मसमर्पण करे हाबे।

*कोरोना हुआ नेगेटिव, विचार हुआ पॉजिटिव*

*कोरोना (COVID-19)के भय से भाकपा (माओवादी) के* *बटालियन द्वारा संगठन से पृथक किये गये महिला माओवादी का आत्मसमर्पण*
*सुमित्रा चेपा (बटालियन के कंपनी नम्बर 01 के प्लाटून नम्बर 03 की सेक्शन सदस्या)* pic.twitter.com/rNIJdIzPoO

— SP Bijapur (@Bijapur_Police) July 4, 2020