महासमुंद.28। महासुमंद पुलिस ह सरलग अवैध मादक पदार्थ तस्कर मनके ऊपर कार्यवाही करत हाबे। मुखबीर के सूचना अउ पुलिस के मुस्तैदी ले अब तक कई बड़े-बड़े गांजा तस्कर जेल म हावय। पाछु दिन उडि़सा अउ राजस्थान के तस्कर मनला धरे के बाद अब पंजाब पासिंग वाहन महिन्द्रा पीकप क्रमांक PB 10 GW 5754 म 100 किलो ग्राम अवैध मादक पदार्थ गांजा पकड़ाये हाबे। महासमुंद पुलिस के आधिकारिक ट्वीट के मुताबिक वाहन म चार प्लासटिक के बोरी म लगभग 100 किलो गांजा सहित तीन आरोपी के गिरफ्तारी होए हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।