बेमेतरा जिला के बेरला विकासखंड के गांव हसदा, सांकरा, लेंजवारा अउ मऊ कंटेनमेंट जोन घोषित

बेमेतरा.03। कलेक्टर अउ जिला दण्डाधिकारी श्री शिव अनंत तायल कोति ले जारी आदेश के मुताबिक बेमेतरा जिला के बेरला विकासखण्ड के ग्राम-हसदा म 03, सांकरा म 06 अउ ग्राम पंचायत लेंजवारा म 01 कोरोना पॉजिटिव के केस मिले के सेती कोरोना वायरस के संक्रमण के फैलाव ल देखत उही तीनो क्षेत्र ल कन्टेनमेंट जोन घोषित करे गे हाबे। ग्राम हसदा, सांकरा अउ लेंजवारा के प्रभारी अधिकारी तहसीलदार बेरला श्रीमती हीरा गवर्ना अउ पर्यवेक्षण अधिकारी अनुविभागीय दण्डाधिकारी बेरला दुर्गेश वर्मा होही। अइसने बेमेतरा विकासखण्ड के ग्राम मऊ म 02 व्यक्ति ल कोरोना पॉजिटिव पाये के कारण कन्टेनमेंट जोन घोषित करे गे हाबे। ग्राम मऊ के प्रभारी अधिकारी प्रभारी तहसीलदार बेमेतरा अजय चंद्रवंशी अउ पर्यवेक्षण अधिकारी अनुविभागीय दण्डाधिकारी बेमेतरा जगन्नाथ वर्मा होही।   

कलेक्टर श्री तायल डहर ले जारी आदेश म कन्टेनमेंट जोन म सिरिफ एक प्रवेश अउ निकास के व्यवस्था खातिर बेरिकेटिंग, कॉन्टेक्ट ट्रेसिंग, प्रवेश अउ निकास सहित क्षेत्र सबो सेनेटाईजिंग व्यवस्था अउ आवश्यक वस्तु मनके उपलब्धता सुनिश्चित करे, स्वास्थ्य टीम ल एस.ओ.पी. अनुसार दवा, मास्क, पी.पी.ई.किट आदि उपलब्ध कराये, बायो मडिकल अपशिष्ट प्रबंधन, घर के एक्टिव सर्विलां, खण्ड स्तर म स्थापित नियंत्रण कक्ष म व्यवस्था बर प्रभारी अधिकारी नियुक्त करे गे हाबे।