आजादी परब म ध्वजारोहण करइया पहुना मनके सूची जारी..., देखव कोना नेता कहां ले फहराही 15 अगस्त 2020 के झंडा

रायपुर.12। देश के आजादी परब म ऐसो 15 अगस्त के झंडा फहराये खातिर प्रदेश के बड़का नेता मनके सूची ल सरकार कोति ले साफर करे गे हावय। जे मुताबिक मुख्यमंत्री श्री भूपेश बघेल ह राजधानी रायपुर के पुलिस परेड ग्राऊण्ड म आयोजित मुख्य समारोह म ध्वजारोहण करही। संग म राज्य शासन कोति ले 15 अगस्त 2020 के स्वतंत्रता दिवस के मउका म जिला मुख्यालय म झंडा फहराये अउ मुख्यमंत्री के प्रदेश के जनता के नाम संदेश वाचन बर मंत्री अउ संसदीय सचिव मनला नामांकित करे गे हावय।

विधानसभा अध्यक्ष डॉ. चरणदास महंत कोरबा जिला मुख्यालय म आयोजित स्वतंत्रता दिवस मुख्य समारोह म ध्वजारोहण करही। अऊ गृह मंत्री श्री ताम्रध्वज साहू महासमुंद म, स्वास्थ्य मंत्री श्री टी.एस. सिंहदेव बलौदाबाजार म, कृषि मंत्री श्री रविन्द्र चौबे दुर्ग म, वन मंत्री श्री मोहम्मद अकबर राजनांदगांव म, महिला अउ बाल विकास मंत्री श्रीमती अनिला भेंड़िया रायगढ़ म, स्कूल शिक्षा मंत्री डॉ. प्रेमसाय सिंह टेकाम बस्तर म, आबकारी मंत्री श्री कवासी लखमा धमतरी म, नगरीय प्रशासन मंत्री डॉ. शिवकुमार डहरिया सरगुजा म, खाद्य मंत्री श्री अमरजीत भगत बालोद म, उच्च शिक्षा मंत्री श्री उमेश पटेल बिलासपुर म राजस्व मंत्री श्री जयसिंह अग्रवाल गौरेला-पेण्ड्रा-मारवाही म अउ लोक स्वास्थ्य यांत्रिकी मंत्री श्री गुरू रूद्रकुमार जांजगीर-चांपा जिला मुख्यालय म आयोजित स्वतंत्रता दिवस समारोह म ध्वजारोहण करे के बाद मुख्यमंत्री के जनता के नाम संदेश के वाचन करही। 

अइसने संसदीय सचिव श्री यू.डी. मिंज बलरामपुर म, श्री विकास उपाध्याय बेमेतरा म, श्री रेखचंद जैन बीजापुर म, श्री इन्द्रशाह मंडावी दंतेवाड़ा म, श्री विनोद सेवनलाल चन्द्राकर गरियाबंद म, श्री चिन्तामणि महाराज जशपुर म, श्री द्वारिकाधीश यादव कबीरधाम म, श्री कुंवर सिंह निषाद कांकेर म, श्री शिशुपाल सोरी कोण्डागांव म, श्री पारसनाथ राजवाड़े कोरिया म, सुश्री शकुंतला साहू मुंगेली म, श्री गुरूदयाल सिंह बंजारे नारायणपुर म, श्रीमती अम्बिका सिंहदेव सूरजपुर जिला म अउ श्री चन्द्रदेव प्रसाद राय सुकमा जिला मुख्यालय म आयोजित 15 अगस्त स्वतंत्रता दिवस के कार्यक्रम म ध्वजारोहण करे के बाद मुख्यमंत्री के जनता के नाम संदेश के वाचन करही।