जारी सूचना के अनुसार छत्तीसगढ़ के शासकीय आईटीआई म संचालित एनसीव्हीटी/एससीव्हीटी के पाठ्यक्रम म प्रवेश खातिर इच्छुक छत्तीसगढ़ के मूल निवासी आवेदक, स्वयं या लोक सेवा केन्द्र (च्वाइस सेंटर) के माध्यम ले संचालनालय रोजगार अउ प्रशिक्षण के वेबसाईट cgiti.cgstate.gov.in के ’ऑनलाईन एप्लिकेशन 2020’ म क्लिक करके पंजीयन अउ प्रवेश खातिर व्यवसाय के चयन कर सकत हावय। आवेदक के पंजीयन खातिर वेबसाईट म यूजर मैन्यूवल हावय, जेला देखे जा सकत हावय।
प्रवेश विवरणिका जो कि cgiti.cgstate.gov.in म उपलब्ध हावय, जेमा छत्तीसगढ़ शासन कौशल विकास विभाग के अधीन संचालनालय रोजगार अउ प्रशिक्षण के अंतर्गत शासकीय औद्योगिक प्रशिक्षण संस्था म संचालित विभिन्न व्यवसाय म सत्र अगस्त 2020-21 अउ 2020-22 म प्रवेश खातिर निर्धारित संस्थावार/व्यवसायवार सीट अउ आवश्यक शैक्षणिक अर्हता सहित आन जानकारी हावय।
आवेदक मनला ऑनलाईन रजिस्ट्रेशन (पंजीयन) बर अनुसूचित जाति, जनजाति के आवेदक ल पोर्टल म रजिस्ट्रेशन शुल्क 40 रूपिया, पिछड़ा वर्ग अउ सामान्य वर्ग के आवेदक ल 50 रूपिया देना होही। वेबसाईट म पंजीयन के बखत रजिस्ट्रेशन शुल्क लोक सेवा केन्द्र (च्वाइस सेंटर) म नगद या स्वयं ऑनलाईन पेमेंट कर सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।