Happy Independence Day : स्वतंत्रता दिवस की शुभकामनाएं Wishes, WhatsApp Messages, Quotes, Slogan, Images & SMS

Author - personअंजोर

अगस्त 14, 2020

15 अगस्त 1947 के दिन हमर भारत देश ह ब्रिटिश साम्राज्य ले आजादी पाये रिहिस। ये दिन ल हरेक बछर भारत म आजादी परब के रूप मनाथे। येला राष्ट्रीय पर्व, स्वतंत्रता दिवस तको किथे। आजादी के बीर सपूत मनला सुरता करत गर्व ले तिरंगा लहराथे। अनेकता म एकता के महापरब म सबो जाति धर्म के लोगन मन आपस म भाई चारा ले गला मिलत देश भक्ति के गीत गाथे, एक दूसर ल आजादी परब के बधाई देथे। जय हिन्द , वंदे मातरम के गुंज चारो मुड़ा सुनाथे।

15 अगस्त के दिन सबले बड़का जलसा देश के राजधानी नई दिल्ली के लालकिला म होथे। जिहा प्रधानमंत्री ह तिरंगा फहरा के देशवासी मनला बधाई देथे। येकरे संग स्वतंत्रता दिवस के जलसा सबो राज्य अउ जिला ले लेके गांव-गली म तको मनाये जाथे। सबो शासकीय, अर्धशासकीय, अशासकीय संस्थान उक म शान ले तिरंगा फहराये जाथे।