कोण्डागांव पुलिस के आधिकारिक ट्वीट ले मिले आरो के मुताबिक थाना धनोरा के धुर नक्सल प्रभावित गांव माड़गांव के 2 युवक अउ 2 युवती मन कोण्डागांव पुलिस अधीक्षक श्री सिद्धार्थ तिवारी (भा.पु.से.) के आगू आत्मसमर्पण करे हाबे। बताये गे हावय के ये चारो युवक, युवती मनला बलपूर्वक गांव ले लेगे रिहिसे किसकोडो दलम के नक्सली कमांडर सुरजना, लखमू अउ आन साथी मन। पुलिस के आगू आत्मसमर्पण करइया मनके उपर नियमानुसार आगू के कार्रवाई करे जाही। राज्य सरकार के अनेक योजना के लाभ लेवत अब ओमन हमेशा बने रद्दा म रेगंही अऊ आन मनला तको बने रद्दा म लाने के उदीम करही अइसे प्रशासन के मंशा हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।