रायगढ.03। कोरोना राई ल देखत रायगढ़ पुलिस ह जबर अभियान चलाके राखी तिहार के मउका म 12 लाख ले आगर मास्क बांटे के रिकॉर्ड बनाये हावय। मिले आरो के मुताबिक लोगन ल जागरूक करे खातिर रायगढ़ जिला पुलिस ह ‘एक रक्षासूत्र मास्क का’ नाम के महाअभियान चलाइस। येमा अकेल्ला रायगढ़ पुलिस ह 12 लाख ले आगर मास्क बांटिस येकर अलावा आन संस्था मन तको अपन-अपन स्तर म मास्क बांटत हावय। कतकोन लोगन मन पुलिस ल मास्क दिये हाबे जेमा पुलिस ह जरूरत वाले मनला एक ले आगर मास्क तको दीस। जिला म बिहनिया 9 बजे ले मंझनिया 3 बजे तक कुल 14.87 लाख मास्क के वितरण अनेक संस्था मन कोति ले होए हाबे। ‘एक रक्षासूत्र मास्क का’ महाअभियान ल गोल्डन बुक ऑफ वर्ल्ड रिकॉर्ड के रूप म दर्ज करे के आरो रायगढ़ पुलिस के ट्वीट ले मिले हावय। संग म अऊ आन रिकॉर्ड एजेंसी मन तको मॉनिटरिंग करत हावे।
जनजागरूकता व मॉस्क वितरण अभियान बना महा जनअभियान— Raigarh Police (@RaigarhPolice) August 3, 2020
गोल्डन बुक ऑफ वर्ल्ड रिकॉर्ड ने पुलिस द्वारा 12.37 लाख फेस मॉस्क एक दिन में वितरित करने के अनूठे अभियान को #वर्ल्ड_रिकॉर्ड के रूप में किया दर्ज। अन्य रिकॉर्ड एजेंसियां कर रही मॉनिटरिंग 3/3@SantoshSinghIPS@RaigarhDist pic.twitter.com/stNNOn5RIt
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।